Давлат думаси сайловлари якунлари бўйича ўтказилган брифингда у «сўл-марказчи бурилиш» қилишга ва «адолат, дўстлик ва социализм» сиёсатига ўтишга чақирди. Зюганов Кремлнинг иқтисодий сиёсатини танқид қилди, шунингдек, нархлар ошиши ва мамлакатнинг технологик ортда қолиши ҳақида гапирди.

Унинг сўзларига кўра, жаҳон иқтисодиёти йилига 3–4 фоизга ўсмоқда, Россия эса сўнгги 15 йилда атиги 1 фоиз атрофида ўсиш кўрсатмоқда. Зюгановнинг айтишича, уруш йилларида Россиядаги олигархлар сони 105 нафардан 155 нафарга етган, уларга тегишли маблағлар эса 700 миллиард долларга етган. У йирик бизнесни кўпроқ солиқ тўлашни ва иқтисодиётга инвестиция киритишни истамасликда айблади.