✈️Centrum Air авиачипталар учун Apple Pay ва Google Pay орқали тўловни жорий қилди

Centrum Air йўловчилари энди авиачипта харид қилишда Apple Pay ёки Google Pay фойдаланишлари мумкин. Янги имконият карта маълумотларини қўлда киритмасдан, смартфон орқали тўловни тез ва қулай тасдиқлаш имконини беради.

Ечим Octobank билан ҳамкорликда банкнинг интернет-эквайринги асосида амалга оширилди. Тўлов жараёнида токенлаштирилган маълумотлар қўлланади — картанинг ҳақиқий реквизитлари савдо нуқтасига узатилмайди.

Octobank трансчегаравий пул ўтказмалари ва электрон тижорат бўйича бошқарув директори Владимир Васильевнинг таъкидлашича, фойдаланувчидан талаб қилинадиган ҳаракатлар қанча кам бўлса, харид жараёни шунча осонлашади.

Centrum Air матбуот хизмати ҳам янги ечим рақамли тўловлардан фойдаланишга одатланган йўловчилар учун чипта харид қилиш жараёнини янада қулайлаштиришини қайд этди.

Octo-mobile | Instagram | YouTube
Telegram | Facebook | 71-202-33-33