Унда Вэнс ўзбек фуқароси Ахрор Бозоров ишини мисол қилиб келтирган:
"Келинглар, битта жуда қизиқ мисолни кўриб чиқайлик. Унинг исми Акрор Бозоров. Исмини тўғри талаффуз қилган-қилмаганимни билмайман. 2022 йилда, ўзининг туғилиб ўсган ватани — Ўзбекистонда, Акрор Бозоров жиходий тарғибот материалларини тарқатгани ва ўз юртдошларини радикал терроризмга жалб қилишга урингани учун айбланган. Хўш, у нима қилди?
Байден даврида ўта хавфли ва қидирилаётган жиноятчи нима қилган бўлса, шуни қилди — Америка Қўшма Штатларига биринчи класс чиптаси билан келди. Чунки ўша пайтда, эсингизда бўлса, маъмурият Америка Қўшма Штатларининг жанубий чегарасига том маънода “Очиқ” деган ёзувни илиб қўйган эди. Кейин, кутилганидек, Бозоров 2023 йил февраль ойида АҚШга ноқонуний кирганидан сўнг Байден маъмурияти томонидан ушланди.
Лекин улар нима қилишди? Улар бу одамни яна кўчага қўйиб юборишди. Ўтган йил ноябрь ойига келиб эса Трамп маъмурияти ва ICE [АҚШ Иммиграция ва Божхона назорати хизмати] уни айнан мана шу Канзас штатида қўлга олди.
Энг ҳайратланарлиси шу, жаноблар. АҚШда ноқонуний бўлган ва ўз ватанида терроризм билан боғлиқ жиноятда айбланган бу одам нима иш қилаётган эди? У сиз ҳар куни фарзандларингиз билан юрадиган йўлларда тижорий юк машинаси ҳайдовчиси бўлиб ишлаётган эди. Пенсильвания губернатори Жош Шапиро Акрорга Америка Қўшма Штатлари йўлларида 40 тонна оғирликдаги юк машинасини ҳайдаш учун лицензия берган.
Сиз болаларингизни мактабга олиб бораётган пайтда, терроризмда айбланган ва АҚШда ноқонуний турган бу одам қўшниларингиз билан бирга фойдаланадиган йўлларда юк машинасини ҳайдаб юрган"
Батафсил Gorizontда...