Ўзбекистон ва Жанубий Корея 13 та келишув имзолади. Ҳужжатлар AI, биотехнология, инфратузилма, иқлим, таълим, қишлоқ хўжалиги ва мудофаа соҳаларини қамраб олган. Келишувлар Мирзиёев ва Ли Чже Мённинг Сеулдаги музокараларидан кейин имзоланди.

Шунингдек, Ўзбекистон Жанубий Кореядан яна 8 та тезюрар поезд харид қилиши мумкин. Лойиҳани амалга ошириш имконияти Кореянинг Иқтисодий тараққиёт ва ҳамкорлик жамғармаси кўмагида ўрганилади.

Бундан ташқари, Ўзбекистон ўз миллий геном базасини яратади. Унда ўзбекистонликларнинг генетик маълумотлари ва биологик намуналари жамланади. Бу олимларга аждодларимиздан бизга қандай генетик хусусиятлар ўтгани, қайси касалликларга кўпроқ мойил эканимизни ўрганиш ва уларни эртароқ аниқлаш усулларини ривожлантиришга ёрдам беради. “Biome Center” Жанубий Корея билан ҳамкорликда ташкил этилади.