Беларусь шукае амаль 7 тысяч твораў мастацтва, страчаных у гады вайны, у тым ліку з Гомеля

Пошукі культурных каштоўнасцей ідуць нават праз Інтэрпол. Пра гэта распавялі на прэс-канферэнцыі прадстаўнікі Мінкульта і НАН.

У міжнародную базу пошуку ўнесены 49 аб'ектаў. У іх ліку – знакаміты Крыж Еўфрасінні Полацкай, карціны беларускіх майстроў (Бразера, Філіповіча, Рушчыца), партрэты з Нясвіжа, а таксама мармуровыя скульптуры са знакамітага княжацкага збору Паскевічаў у Гомелі.

Што знайшлі за апошні час?

🔹 Неверагодна, але дзякуючы ўважлівасці дыпламатаў, у нямецкім Веймары выпадкова знайшлі Псалтыр Францыска Скарыны 1522 года, недаследаваны раней экзэмпляр. Кнігу алічбавалі і электронную копію перадалі Нацыянальнай бібліятэцы.

🔹 А сёлета Мастацкі музей змог выкупіць у мецэнатаў арыгінальны слуцкі пояс з фабрычнай адзнакай.

🔹 І цікавы выпадак з Мінска. Беларуска заўважыла на сваёй дамашняй карціне музейны шыфр і падарыла яе Мастацкаму музею – палатно аказалася адзінай у Беларусі працай знакамітага майстра Вільгельма Катарбінскага.

Фота: Слуцкі пояс, скрыншот відэа дзяржТВ

#Беларусь