⚡️Құрметті оқырман қауым! Табиғи болмысы ағартушылық миссияға дәлме-дәл келетін қазан айында жарыққа шыққан FORBES KAZAKHSTAN қазақша журналының кезекті саны ғылым, білім, инновациялар, ізденіс, ағартушылық позицияларына негізделіп әзірленді. Бұл номердегі басты тақырып – еліміздегі ең беделді 50 бизнесмен рейтингінен бастау алады.

Рейтингті аяғына дейін мұқият оқып шықсаңыз, ел ішіндегі іргелі бизнестің тұтқасын ұстаған беделді тұлғалар отандық білім мен ғылымды, мәдениет пен спортты, технологиялар мен инновацияларды қалай және қай өңірде дамытып жатқанына көз жеткізесіз.

Айтпақшы, биыл қыркүйекте Forbes франшизасының отандық медиа нарықта шыға бастағанына 15 жыл толды. Біз FORBES KAZAKHSTAN әзірлейтін ең танымал рейтингтердің редакторларын әңгімеге тартып, оқырманның біраз сұрағын ортаға салдық.

FORBES KAZAKHSTAN қазақша журналын «Меломан» дүкендер желісінде және Kaspi.kz арқылы сатып алуға болады.

FORBES KAZAKHSTAN оқырманы қатарына қош келдіңіз!