FlyArystan Алматыдағы IV Ұзақ өмір сүру фестиваліне қолдау көрсетті

FlyArystan әуекомпаниясы 1 қазанда Алматыда өткен және Халықаралық қарттар күніне орай ұйымдастырылған IV Ұзақ өмір сүру фестивалінің серіктесі болды.

Іс-шараны Алматы қаласы Жұмыспен қамту және әлеуметтік бағдарламалар басқармасының «Алматы қаласының Белсенді ұзақ өмір сүру орталығы» КММ ұйымдастырды. Фестиваль аға буын өкілдерінің белсенді әрі салауатты өмір салтын қолдауға, олардың шығармашылық әлеуетін дамытуға, ұрпақтар арасындағы байланысты нығайтуға және егде жастағы адамдардың қаланың қоғамдық және мәдени өміріндегі рөлін арттыруға бағытталды.

Іс-шараға 700-ден астам аға буын өкілі, шығармашылық ұжымдар, әлеуметтік мекемелер мен белсенді ұзақ өмір сүру орталықтарының басшылары, сондай-ақ қалалық ұйымдардың өкілдері қатысты.

Фестивальді қолдау аясында FlyArystan Қазақстан ішіндегі рейстерге арналған сертификаттарды ұсынып, олар іс-шара қатысушыларына табысталды. Осы бастамаға қосыла отырып, әуекомпания аға буын өкілдеріне құрмет білдіріп, олардың белсенді, мазмұнды әрі толыққанды өмір сүруіне ықпал ететін жобаларға қолдау көрсетті.

Халықаралық қарттар күніне орай FlyArystan арнайы акцияны да іске қосты. KURMET промокоды арқылы барлық жастағы жолаушылар Қазақстан ішіндегі бірқатар бағыттарға 20% жеңілдік ала алады. Промокодты 2026 жылғы 1 және 2 қазанда билеттерді FlyArystan әуекомпаниясының ресми сайтынан және мобильді қосымшасынан сатып алу кезінде қолдануға болады. Акцияның толық талаптары әуекомпанияның ресми арналарында жарияланған.

IV Ұзақ өмір сүру фестивалінің бағдарламасына қолданбалы өнер көрмесі, ресми ашылу рәсімі және Алматы қаласының Белсенді ұзақ өмір сүру орталығы шығармашылық ұжымдарының қатысуымен өткен мерекелік концерт кірді.

FlyArystan аға буын өкілдерін Халықаралық қарттар күнімен құттықтап, зор денсаулық, амандық, жаңа әсерлер мен белсенді ұзақ ғұмыр тілейді.