#منقول

من اكبر عيوب أي تطبيق مهما كان البلاتفورم اللي هيشتغل عليه هو الحجم الكبير واللي وارد جدا يخلي المستخدم يستغنى عنه مهما كانت مزاياه وخصوصًا لو له بديل او منافس حجمه اصغر وخير دليل مثلا هو Facebook Lite ..

وللأسف ناس كتير بتقول ان تطبيقات فلاتر مساحتها كبيرة لكن دة عكس الحقيقة تمامًا لكن بشرط الحذر من عض الحاجات زي: ..

1- Using lots of assets ( Especially PNG, and JPEG)

الصور والايقونات من اكتر الحاجات اللي ممكن تكبر مساحة اي تطبيق وحل المشكلة دي ان الصور تكون NetworkImages
والايقونات تكون بامتداد .SVG
اللي حجمها بيكون صغير جدا بالاضافة انها مش بتبكسل.

2- Flutter packages for easy/not complicated processes
الباكدجز بتكون عبارة عن بروجيكت جوا البروجيكت فكتر استخدامها وخصوصًا الباكدجز اللي بتستخدم في الديزاين اكتر شيء بيضاعف حجم تطبيقات فلاتر بلا منازع !!
الحل انك تاخده تحدي كدة ومع الوقت تحاول تعمل كل حاجة بنفسك وخصوصًا في الديزاينز بإنك تتعمل الحاجات المميزة او الصعبة Components وترجع تستخدمها وقت الحاجة زي مثلا الحاجات اللي فيها Animations
لحد ماتوصل انك ماتحتاجش باكدجز الا للتقيل بس زي
State Management Packages, Dio/HTTP, Maps, Payment Gateways....etc.

3- Dirty code, and/or dirty project structure

معلومة ممكن ماتكونش مشهورة اوي بس عدد سطور الكود الكبير بيكبر حجم التطبيق وطبعا الكود لو مش نضيف من الاول هيجبرك وانت بتكمل عليه انك تكتب سطور كتير ليها بدايل اقل او مثلا تكرر كود معين كذا مرة في الديزاين في نفس الصفحة او صفحات تانية بدل ماتستخدم Reusable Components ..
نفس الكلام لو تقسيم فايلز البروجيكت عندك عشوائي او مطبق Architecture design pattern بشكل غلط وخصوصًا لو مع بروجيكت كبير .. بالاضافة طبعا لو استخدمت باتيرن مش مناسبة لحجم التطبيق كعدد شاشات ومزايا والتمييز في الموضوع دة محتاج قراءة بفهم وتطبيق على اشهر ال Architecture design patterns.
حاول في المجمل كود كل صفحة مايزيدش عن 350 سطر بالكتير جددددددا.

طبعًا اغلب الملحوظات دول وغيرهم اكيد هياخدوا وقت اكبر من البديل السهل اللي يشغل الشغل وخلاص لكن طبعًا نتيجة الاستسهال مش هتبان الا في الاخر ومفيهاش حل سهل وقتها ويمكن مايكونش في حل وقتها.

ودي بعض الاوامر اللي بترجعلك تقرير في الكونسول شامل تفاصيل مساحة كل حاجة في مشروعك بحيث تقدر تحدد اسباب كبر حجمه بشكل محدد..

flutter build apk --analyze-size --target-platform android-arm
flutter build apk --analyze-size --target-platform android-arm64
flutter build apk --analyze-size --target-platform android-x64
flutter build appbundle --analyze-size
flutter build ios --analyze-size
flutter build linux --analyze-size
flutter build macos --analyze-size
flutter build windows --analyze-size