اي واحد مننا في بداية استخدامه لل bloc or provider واجه المشكله دي ProviderNotFoundException, طيب ايه سببها وليه بيحصل وازاي نعالجها، هنعرف دلوقتي.
عندنا في فلاتر في 3 حاجات لازم نعرفهم وهم widget tree, element tree and render object tree ودول ببساطه المسئولين عن تحديد خصائص ومكان ورسم ال widgets علي الشاشه بتاعي

احنا متفقيين ان الشكل بتاع ال trees دي شكل هرمي معتمد علي parent يكون تحتيه child وال child تحتيه child تاني فيكون ال child الاولاني هو ال parent بتاع ال child التاني وهكذا.

طيب هل ال widget بتكون عارفة مكانها فين في ال widget tree ؟
الاجابة هي لاءا، طيب اومال بيتعملها build في المكان اللي حططها فيه ازاي ؟! تعالي اقولك

اما ت create widget، فلاتر بتنادي مثود اسمها createElement و ال element ده بيكون هو مكان ال widget بالظبط .

طيب انا مش بشوف ال element ده خالص .... هو فين اصلا ؟!

المفاجأه انك بتتعامل معاه كتير وانت مش عارف، ال element هو ال context اللي دايما تلاقيه في كل build methods

يعني ال context هو ال position الفعلي لل widget بتاعتي.

فاللي بيحصل انك اما تقول Provider.of(context) او BlocProvider.of(context) في نفس ال Build method اللي عملت فيها provide او inject لل bloc بتاعتك، فلاتر بتبدأ من عند ال context ده وتعمل look up يعني بتبص فوق لل direct parent بتاع ال widget دي فتلاقي انك ماعملتش provide لل bloc في ال parent widget فيقولك ProviderNotFoundException

خليك دايما عارفه ان "of" دايما بتبص علي ال direct parent لل widget وتتدرج لفوق لحد ما تلاقي ال context اللي بتدور عليه.

عشان تعالج المشكله دي في حل بسيط هو انك ت wrap ال widget بتاعتك ب widget تانيه اسمها Builder، ال Builder ده بيديك access لل parent widget في نفس ال method بتاعتك او في نفس ال build method بتاعتك

حل تاني وهو انك تعمل حاجه اسمها standalone widget لل child widget بتاعك يعني انك تعمل لها stateless widget او stateful widget منفصلة وتخليها child لل provider بتاعك.
#منقول