#САВОЛ_ЖАВОБЛАР

ТАҲОРАТЛИ ИНСОН МАҲСИСИНИ ЕЧСА, ҚАЙТА ТАҲОРАТ ОЛАДИМИ?

САВОЛ: Мен ишхонамда тўлиқ таҳорат қилиб маҳси кийиб оламан. Иш вақти тугагач кетаётганимда маҳсини ечиб ишхонада қолдираман. Саволим шуки, маҳсини ечгач оёғимни қанча вақтгача ювиб олсам яна тўлиқ таҳоратли бўламан. Уйга етиб боргунимча икки, уч соат вақт ўтиб кетади?

ЖАВОБ: Бисмиллаҳир Роҳманир Роҳим. Сиз айтган ҳолатда фақат оёқнинг ўзининг таҳорати синган бўлади. Шунинг учун таҳоратингиз синмасдан туриб, оёқнинг ўзини ювиб олсангиз, мукаммал таҳоратли бўласиз. Бу ҳолатда маҳсини ечган вақтнинг кўп ёки камлигининг фарқи йўқ.

Аммо таҳорат бузилгандан кейин, таҳорат қилмай туриб ечган бўлсангиз, бу ҳолда тўлиқ таҳорат оласиз. Валлоҳу аълам.

Ўзбекистон мусулмонлари идораси
Фатво маркази.

✈️Telegram 👤Facebook 🎥Youtube 📸 Instagram

Дўстларингизга ҳам улашинг:
https://t.me/joinchat/AAAAAEGj0hkBXGlopIDbXA