Ijtimoiy tarmoqdan voz keching.

O’tgan semesterda, imtihonlar arafasida instagramni o’chirib tashladim. Bir ikki kun bilindi, lekin tez o’tib kunlar samarali o’tayotganini sezdim. Odatda, o’zimiz bilmagan holda, soatlab ijtimoiy tarmoqda, sanoqsiz Tik Tok videolari, va Instagram Reel larini ko’rish bilan ancha vaqtimizni bekorga sarflayotganimizni sezmaymiz. Ijtimoiy tarmoqlar nafaqat sizning vaqtingizni oladi, balki miya faoliyatiga ta’sir qilgan holda diqqat qila olish qobilyatingizni pasaytirib yuboradi. Amerikada ko’plab yoshlar, tinimsiz Tik tok ko’radi, va ko’pchilikda ADHD(Attention-deficit/hyperactivity disorder) kasalligi borligini guvohi bo’ldim.

Dopamine - miyadagi kimyoviy modda bo'lib, insonda zavqlanish hissini boshqarishga yordam beradi va biz xohlagan narsani olganimizda ishlab chiqariladi - bu yangi kiyim yoki Instagramda yangi obunachi bo'lishi mumkin.

Dopamine bilan bog'liq muammo shundaki, u bizni qisqa muddatli mamnuniyat keltiradigan narsalarga jalb qiladi: shirinliklar, spirtli ichimliklar va ijtimoiy tarmoqlar. O’z-o’zidan miya tabiiy ravishda o'zimizni yaxshi his qiladigan narsalarni istagani uchun(faqat bir marta emas, balki qayta-qayta), biz ko'pincha o'zimizni umuman samarasiz bo’lgan narsalarga yopishib qolamiz, masalan, ijtimoiy tarmoqlarni aylanib chiqish. Bu sizga vaqtinchalik zavq bag'ishlagan bo'lsa-da, keyinchalik qilgan qarorlaringizdan afsuslanishingiz aniq. Shuning uchun, o’zingizni intizomli (discipline) qilishingiz kerak, va bunga ancha qiyinchilik bilan erishiladi.

Kechagi kuni barcha ijtimoiy tarmoqlarni o’chirib tashladim (Instagram, Snapchat, BeReal.) 25 kundan so’ng, o’zgarishlar va buning ta’siri haqida yana post yozaman.

Instagram | Telegram