Biz öz qədrimizi bilmirik, bir-birimizin qədrini bilmirik. İşimizin böyük qüsuru budur; bir-birimizdən ayrıyıq, pərakəndəyik. Pərakəndə olduğumuz zaman, bir-birimizin xeyrini istəmədiyimiz, hətta bəzən bir-birimizin pisliyini istədiyimiz zaman nəticə belə olur.
Burada da Quran çox açıqdır, burada da Quran buyurur ki: "Allah-taalaya və Onun Peyğəmbərinə itaət edin və mübahisə etməyin (ixtilafa düşməyin), yoxsa zəifləyər (qorxar) və gücünüz (heybətiniz) əldən gedər."
İxtilafa düşdüyünüz zaman zəiflik (süstlük) yaranar. Zəiflik – yəni süstlük, "gücünüzün əldən getməsi" isə izzətinizi itirməyiniz deməkdir. İxtilafa düşsəniz, tənəzzülə uğrayacaq, mütləq xar olacaqsınız.