🔻გამოცვივდნენ უცხოური ფულის გამჭვირვალობით დაფეთებული „ენჯეოშნიკები“ და ზეიმით აფრიალებენ ვენეციის კომისიის მორიგ პოლიტიზებულ დასკვნას.

თურმე ცალ ფეხზე მდგომებს ჰგონიათ რომ საქართველომ საკუთარ სუვერენიტეტსა და უსაფრთხოებაზე უარი უნდა თქვას მხოლოდ იმიტომ რომ რამდენიმე ევროპელმა ბიუროკრატმა ფურცელზე რაღაც ტერმინები დაწერა.

ძალიან მარტივად და გასაგებად ვთქვათ - რატომ არ აინტერესებს საქართველოს სახელმწიფოს და ქართველ ხალხს ეს ორმაგი სტანდარტებით გაჯერებული მაკულატურა:

🔻პირველი და მთავარი - სუვერენიტეტი არ იყიდება! ვენეციის კომისია არის საკონსულტაციო, სარეკომენდაციო ორგანო და არა საქართველოს უზენაესი მმართველი. ჩვენ დამოუკიდებელი სახელმწიფო ვართ, სადაც კანონებს იღებს ქართველი ხალხის მიერ არჩეული პარლამენტი და არა გარედან დანიშნული ცენზორი. როდესაც საქმე ეხება ჩვენი ქვეყნის ეროვნულ უსაფრთხოებას და პოლიტიკურ სივრცეში უცხოური შავი ფულის ტრიალს არცერთ საერთაშორისო ინსტიტუტს არ აქვს უფლება მიგვითითოს როგორ დავიცვათ საკუთარი სახლი.

🔻მეორე - ისტერიკა „გამყინავ ეფექტზე“ არის ჩვეულებრივი შიში. რას ნიშნავს ეს ტერმინი რომელსაც ასე ჩაეჭიდნენ? პასუხი სრულიად ნათელია: მათ პანიკურად ეშინიათ გამჭვირვალობის! ეშინიათ იმის რომ ხალხი საბოლოოდ გაიგებს კონკრეტულად რა თანხებით ფინანსდება ქვეყანაში რადიკალიზმი, სახელმწიფო ინსტიტუტებზე თავდასხმა, ახალგაზრდების ტვინების გამორეცხვა და პირდაპირი დესტრუქცია. „გამყინავი ეფექტი“ კი არა, ეს არის იმის შიში რომ დახურულ კარს მიღმა, კონტროლის გარეშე მილიონების ხარჯვის კომფორტული ეპოქა დასრულდა.

🔻მესამე - ამერიკის შეერთებულ შტატებში, საფრანგეთში, ბრიტანეთსა და ევროპის სხვა წამყვან ქვეყნებში ანალოგიური და ბევრად უფრო მკაცრი, „რეპრესიული“ კანონები მოქმედებს უცხოური გავლენების წინააღმდეგ. იქ ეს თურმე „დემოკრატიის დაცვაა“, საქართველოში კი იგივე ქმედება „პლურალიზმის შეზღუდვად“ ინათლება. ამ აბსურდული და უსინდისო ორმაგი სტანდარტის მერე, საერთოდ რა სამართლებრივ ავტორიტეტზე გვესაუბრებიან?

📌ჩვენთვის ერთადერთი საზომი არის ჩვენი მოქალაქეების უსაფრთხოება და ქვეყნის დამოუკიდებლობის განმტკიცება. ვისაც უნდა, შეუძლია გააგრძელოს ამ უშინაარსო ქაღალდების ფრიალი და ევროსასამართლოების მოლოდინში ცხოვრება, ეს რეალობას და ქართული სახელმწიფოს სიმტკიცეს ეს ვერცერთი გრამით ვერ შეცვლის!

@EURASIAEXpress

🧑‍💻 Подписаться | Прислать новость