Умарьковонь 27-це чистэ Пенза ёнксонь Белинскоень буень Даншина велесь пештявсь эрьва кодамо тюссо🌸 Раськень ёнкс марто оршамотнень невтизь Мордовиясто инжетне - «Масторава» Саранонь артомань училищань модань театрась ды «VARMA» этно-арт-театрась. Теке марто Даншина ды Сыре Теризморга велетнень ютксо тешкстазель вейсэнь важодемадо тевконёв. Эрзянь ды мокшонь моросо, киштемасо сыцятнень кенярдовтызь Мордовия Республикасто «Умарина» моронь ды киштемань государственной ансамблясь, Йовлань Олонь лемсэ «Торама» фольклоронь морокурось, «Умарина» Пенза ёнксонь фольклоронь морокурось ды лият. Ваныцятнень туртов вечкевсь «ПроЧувство» спектаклясь. Прядовсь покшчись этнокиштемасо, конасонть мазый морот морась «МАРИВАННА» Пенза ошонь фолк-курось🎤🎤🎤 Даншинасто покш невтемась лиси «Кулят» нолдавкссонть умарьковонь 31-це чистэ 09:00 чассто «Россия 1» телеканалсо📺
Фототне Николай Пиксинэнь