ERKIN VOHIDOV

☀️ Ардоқли шоиримизнинг ижод намуналаридан ушбу телеграм манзилда жойлашган саҳифада баҳраманд бўлинг:
👇👇👇
https://t.me/erkinvohidovijodi

😒 Мирзолар – Мишага айланган йиллар,
Сувонлар – Сашага айланган йиллар,
Алишер – Аликка, Камол – Коляга,
Муаттар – Машага айланган йиллар,
Мен сиздан ўкиниб яшайман, халқим.

Гулчеҳра исмини "Гуля "деганлар,
Зулхумор, Зумрадни "Зуля" деганлар,
Ростмана номини айтсанг ортингдан,
"Маданиятсиз бўлмай, ўл-е", деганлар,
Мен сиздан ўкиниб яшайман, халқим.

"Боря" ёзганлардан Бобур хафадир,
"Толя" ёзганлардан Темур хафадир,
"Федя "ёзганлардан Фарҳод кўнгли ғаш,
Қолганидан яна кимдир хафадир,
Мен сиздан ўкиниб яшайман, халқим...

✍ Ўзбекистон Қаҳрамони, Ўзбекистон халқ шоири Эркин Воҳидов

👇👇👇
🌐 www.facebook.com/evohidov
🌐 https://t.me/erkinvohidovijodi
🌐 www.erkinvohidov.uz

☀️ Ардоқли шоиримизнинг ижод намуналаридан ушбу телеграм манзилда жойлашган саҳифада баҳраманд бўлинг:
👇👇👇
https://t.me/erkinvohidovijodi

💫 НУТҚ  ҲАҚИДА

Ҳар сўзида «бу», «ану»,
«Ҳалиги», «сўнг», «анақа»,
«Бу-бу» дейди — нима бу,
«Унақа»си — қанақа?
Тилига келиб қолган
Сўздан қайта олмаса,
«Бу» қўшмасдан саволга
Жавоб айта олмаса.
Гоҳи қовушмай сўзи,
Гапидан тўхтаб қолса.
Яхши билса ҳам ўзи,
Зўрғагина «3» олса.
Ўзингиз ўйлаб кўринг,
Нима, бу, қанақаси?
Қачон қолар Ўткирнинг
«Нима», «бу», «анақаси»?
Одатланганман, дединг,
Тўғри, ҳамма гап шунда.
Лекин ахир, ўз тилинг
Ўзингга бўйсунсин-да.
Тўғри, аниқ гап тузиб,
Жавоб бергин сўроққа.
Хизмат қилсин ҳар сўзинг
Фикрингни тўлатмоққа.
Мазмун номли мўлжалга
Сўз — отилган ўқ бўлсин.
Нишонга тегмай қолган
Битта ўқ ҳам йўқ бўлсин.
Дўстим Ўткиржон, буни
Ёдингда тут ҳар доим,
Оташин нотиғини
Минбарлар кутар доим.

✍ Ўзбекистон Қаҳрамони, Ўзбекистон халқ шоири Эркин Воҳидов, 1954 йил

👇👇👇
🌐 www.facebook.com/evohidov
🌐https://t.me/erkinvohidovijodi
🌐 www.erkinvohidov.uz

☀️ Ардоқли шоиримизнинг ижод намуналаридан ушбу телеграм манзилда жойлашган саҳифада баҳраманд бўлинг:
👇👇👇
https://t.me/erkinvohidovijodi

ЎЗИМГА САВОЛ
(Мустазод)

Умринг ўтадир, сен не хаёллар сурадирсан,
Беғам юрадирсан?
Мақсад не, фароғат куйига йўл бурадирсан,
Кимга жўрадирсан?

Очилгали кўз шартми экан тошга бош урмак,
Сўнг кўзни яшурмак,
Не ўй билан нодон тошига бош урадирсан,
Не наф кўрадирсан?

Йиллар кўпи кетди, ози қолди, не қилолдинг,
Ким бўла олдинг?
Қум устига сен бўйла иморат қурадирсан,
Ҳам айш сурадирсан.

Ҳадддингни билиб чек қўй ўйин, базм, ўтириш
Кўз оч, ўтир ишга.
Кўрсатмай ул кунники, сен оҳ урадирсан,
Ҳайрон турадирсан.

Йиғлаб келадир ушбу жаҳонга азиз инсон,
Кулгай у кетар он.
Шоядки, ҳаёт қарзин узиб улгурадирсан,
Қаҳ-қаҳ урадирсан.

✍  Ўзбекистон Қаҳрамони, Ўзбекистон халқ шоири Эркин Воҳидов, 1983 йил

👇👇👇
🌐 www.facebook.com/evohidov
🌐https://t.me/erkinvohidovijodi
🌐 www.erkinvohidov.uz

✍ "E Voh–2026”: ona tilimiz va adabiyotimiz fidoyilari – aziz ustozlar, mahoratingizni namoyon eting!

📚 O‘zbek tili va adabiyoti fan olimpiadasi — bilim, tajriba va kasbiy salohiyatingizni respublika miqyosida namoyon etish vaqti keldi!

G‘olibga pul mukofoti va xorijiy stajirovka taqdim etiladi!

Mardi maydonga marhabo!

Olimpiada haqida batafsil

🔗 Ro‘yxatdan o‘ting 👉 @tasimo_login_bot

Ro‘yxatdan o‘tish uchun videoyo‘riqnoma

🌐 Web-site  

@sitorabonu_audilar

☀️ Ардоқли шоиримизнинг ижод намуналаридан ушбу телеграм манзилда жойлашган саҳифада баҳраманд бўлинг:
👇👇👇
https://t.me/erkinvohidovijodi

☀️ Шоир қалби гўё анор,
Шеъри унинг шарбати.
Бўлмас экан шеър аҳлининг
Ўз қалбига шафқати.
Тинмай эзар, эзар уни,
Аммо шоир билади –
Пиёласи тўлган куни
Паймонаси тўлади.
Ўзбекистон Қаҳрамони, Ўзбекистон халқ шоири

✍ Эркин Воҳидов, 1968 йил

👇👇👇
🌐 www.facebook.com/evohidov
🌐https://t.me/erkinvohidovijodi
🌐 www.erkinvohidov.uz
🌐https://www.instagram.com/erkinvohidov_uz

☀️ Ардоқли шоиримизнинг ижод намуналаридан ушбу телеграм манзилда жойлашган саҳифада баҳраманд бўлинг:
👇👇👇
https://t.me/erkinvohidovijodi

🕊 ТОНГ ҒАЗАЛИ

Қўниб гул узра булбул
Ишқ китобини варақлабдур,
Юмуқ тонг кўзлари
Ўтлиқ навосидан чарақлабдур.

Паридек нозу истиғно этиб,
Тонг лола рухсорин
Ювиб шабнам билан
Бир томчи шабнамдек ярақлабдур.

Шафақ кўзгусида
Ўз ҳуснига ошиқ бўлиб боқмиш
Ва тоғлари тароқ айлаб,
Қуёш сочин тароқлабдур.

Париваш юзи жабридан
Кўзим арз айласа тонгга,
У ҳам кўзим қаролаб,
Ул пари юзини оқлабдур.

Фироғида куйиб дерман:
У қайси сирли қудратким,
Мени унга яқин айлаб,
Уни мендан йироқлабдур.

Ажаб, тонг хобида Эркин
Кўрибдур ёрини, эвоҳ,
Кўз очса - ёри йўқ,
Икки қўли ёстиқ қучоқлабдур.

✍  Ўзбекистон Қаҳрамони, Ўзбекистон халқ шоири Эркин Воҳидов,1968 йил

👇👇👇
🌐 www.facebook.com/evohidov
🌐https://t.me/erkinvohidovijodi
🌐 www.erkinvohidov.uz

💫 ЭЛ НЕТИБ ТОПҒАЙ МЕНИ... 

(Навоий ғазалига мухаммас)

Кўнглим айтур севги домига асир тайёраман,
Дер кўзим ҳижрон туни зор йиғламоқдин қораман,
Жон дегай, ўт ораман, тан айтадир,  минг пораман, 
То муҳаббат дашти бепоёнида овораман,
Ҳар балият келса ишқ ошубидин бечораман.

Ул хазон фаслидаги саргашта бир япроқ манам,
Айрилибдурман чамандан, масканим дашти адам,
Изламанг ҳаргиз нишоним, топмагайсиз зарра ҳам,
Эл нетиб топғай мениким, мен ўзимни топманам,
Бўйлаким ишқу жунун саҳросида овораман.

Карбало даштида кўрган оҳулар бирлан мани,
Англади Мажнун билан бир жон мани, бир тан мани.
Ёнди жон, бир лайливашнинг дарди куйдирган мани, 
Оҳ дуди ичра бир учқун каби кўрган мани
Билдиким, ҳижрон тунига кавкаби сайёраман.

Қошларинг ҳижронида ёйдек эгилсам не ажаб,
Ғунча лаълинг ишқида бағримни тилсам не ажаб,
Шамъи ҳуснинг шавқида ўтга ёқилсам не ажаб,
Кеча ўртансам, саҳар фарёд қилсам не ажаб,
Ишқ аро парвонаю булбулга мен ҳамкораман.

Хўблар васли ғанимат,  хизматини айлади хўб,
Нури дийданг шамъ этиб тут, қоматингни айла чўб,
Борида қадрига ет, кетганда тупроғини ўп,
Эй Навоий, борди деб аҳбоб таъзир этма кўп,
Ит каби мен эргашиб ул карвонга бораман. 

✍ Ўзбекистон Қаҳрамони, Ўзбекистон халқ шоири Эркин Воҳидов, 1995 йил

👇👇👇
🌐 www.facebook.com/evohidov
🌐https://t.me/erkinvohidovijodi
🌐 www.erkinvohidov.uz

☀️ Ардоқли шоиримизнинг ижод намуналаридан ушбу телеграм манзилда жойлашган саҳифада баҳраманд бўлинг:
👇👇👇
https://t.me/erkinvohidovijodi

#Erkin_Vohidov_nomidagi_ijod_maktabi

⚡️O‘zbek adabiyotining buyuk namoyandasi, xalqimizning ardoqli farzandi, O‘zbekiston Qahramoni va xalq shoiri Erkin Vohidov tavalludining 90 yilligi mamlakatimiz bo‘ylab katta shukuh bilan nishonlanmoqda.

💬Shoir nomi bilan ataluvchi Ijod maktabida tashkil etilgan "TO QUYOSH SOCHGAYKI NUR" nomli adabiy-badiiy tadbirdan fotolar.

🟦Erkin Vohidov nomidagi ijod maktabi Matbuot xizmati

🌐Bizning sahifalarimiz👇

🚀Telegram 🔵Facebook
▶️YouTube 📷Instagram