🌸🌸#قرنفیل🌸🌸
دونیادا ایکی شئی، باش آیاغی یوخ،
بیریسی سوفره دی، بیریسی وطن.
بونلارین حاققین‌دا چوخ دئییلیب، چوخ،
کیچیگی سوفره‌دی، ایریسی وطن.
حئیرانی اولما سن او ناکسلرین،
حئیرانی اولگینان حزین سسلرین.
اون‌سوز دا قارداشیم، سئون کسلرین،
حوریسی، پریسی، سوناسی وطن.
قاداسین آلارام سؤزو قانانین،
ائل اوچون چالیشیب، ائلچون یانانین.
اون‌سوزدا بیلیرم هر بیر اوغلانین،
اؤلوسو وطن‌دی، دیریسی وطن.
کوت اولان آلتی داشا چکیرلر،
سورمه نی کیپریگه، قاشا چکیرلر،
آنا ایله وطنی قوشا چکیرلر،
بو "یئتیم عیوضین "آناسی وطن.
👤یئتیم عیوض
🔻شعر، ادبی متن، ناغیل و.... کیمی تورکجه یازیلارینیزی آخاغین ایلَتیشیم واسیطه‌سی ایله بیزه گؤندره‌بیلرسینیز.
#ادبیات #یئتیم_عیوض #تورکجه_شعر #آنادیلی #شعر #آنا_دیلی #تورکجه
🆔 @Erdemaz
📬 پل ارتباطی:
@Erdem_admin
Post #32542
202
- ❤ 14