​​❗️Нечаканая адмена «кавідных палажэнняў», якія тычацца падаўжэння віз, тэрміну дзеяння дакументаў і тэрмінаў падачы заяў на ВНЖ

Учора прэзідэнт Анджэй Дуда падпісаў закон ад 13 студзеня 2023 года аб унясенні змяненняў у закон аб дапамозе грамадзянам Украіны ў сувязі з узброеным канфліктам на тэрыторыі гэтай краіны і некаторыя іншыя акты.

Зусім нечакана новы акт прадугледжвае адмену палажэнняў т.зв антыкавіднага шчыту, а гэта значыць і правіл, якія падаўжаюць, сярод іншага, тэрмін дзеяння віз і іншых дакументаў замежнікаў.

На практыцы гэта азначае, што калі тэрмін дзеяння вашых дакументаў скончыўся, але быў падоўжаны дзякуючы «кавідным палажэнням», варта ўжо зараз зрабіць крокі па легалізацыі знаходжання ў Польшчы!

Варта адзначыць, што змены тычацца ўсіх замежнікаў, а не толькі грамадзян Украіны!

Папраўка прадугледжвае адмену г.зв антыкавіднага закону(артыкулы 15z-15z3, 15z6, 15zd, 15zza і 15zzzb).

Палажэнні, якія будуць адменены:

- падаўжэнне тэрміну падачы заявак на прадстаўленне іншаземцам відаў на жыхарства
- падаўжэнне тэрміну дзеяння відаў на жыхарства
- падаўжэнне тэрміну дзеяння часовых пасведчанняў асобы іншаземца (TZTC), выданых падчас працэдуры прадстаўлення міжнароднай абароны
- падаўжэнне тэрміну дзеяння нацыянальных віз і дазволаў на часовае пражыванне
- падаўжэнне тэрміну выезду замежніка з тэрыторыі Рэспублікі Польшча

УВАГА!
Паводле арт. 36 сек. 5 Закона ад 13 студзеня 2023 года аб унясенні змяненняў у закон аб дапамозе грамадзянам Украіны ў сувязі з узброеным канфліктам на тэрыторыі гэтай краіны і некаторыя іншыя законы, 24 жніўня 2023 года страчваюць сілу палажэнні антыкавіднага закона.