Як русский язык знішчае беларускую мову? / Ці роўныя ў Беларусі дзве дзяржаўныя мовы?

У гэтым відэа прадстаўніца Аб’яднанага Пераходнага Кабінета па нацыянальным адраджэнні Аліна Коўшык і дарадца Святланы Ціханоўскай Франак Вячорка абмяркоўваюць гэтак званае «двухмоўе» ў Беларусі, дзяржаўную палітыку па русіфікацыі і як заахвочваць людзей вяртацца да роднай мовы.

– На практыцы ў Беларусі няма двухмоўя. Руская мова «раўнейшая» за беларускую і яна відавочна дамінуе. Гэта дзяржаўная палітыка.

– Мы жывем у краіне, дзе па факце дыскрымінуецца беларуская мова. Гісторыю Беларусі выкладаюць па-расійску. Толькі 10% дзяцей маюць навучэнне па-беларуску – і толькі ў вёсках. Няма аніводнага ўніверсітэту, дзе выкладаюць па-беларуску.

– Беларуская мова – не толькі наш гонар, але і нашае права. Але дзяржава адбірае гэтае права і спрабуе звесці яе да музейнага экспанату.

– Можна пачынаць з беларускамоўных кніг і песен. Пераходзьце ў публічных месцах на беларускую мову. Патрабуйце ствараць беларускамоўныя класы ў школах. Калі ласка, не бойцеся рабіць памылкі, гэта нармальны працэс. Яны дакладна не нагода не пераходзіць на родную мову.

Уся размова Франака Вячоркі і Аліны Коўшык – у відэа: https://youtu.be/xTsyQxC1_4Q