Telegram asoschisi Pavel Durov Toshkentda o‘tayotgan 38-Xalqaro informatika olimpiadasi sovrindorlari uchun mukofot va’da qildi.
Uning aytishicha, Telegram’ning qator xodimlari avvalgi Xalqaro informatika olimpiadalarida qatnashib, medallarni qo‘lga kiritgan.
Durov o‘zi va Telegram yosh dasturchilarni qo‘llab-quvvatlashini ta’kidlab,
38-Xalqaro informatika olimpiadasining sovrindorlarini umumiy qiymati kamida 117 ming dollarga teng bo‘lgan Algorithm Cups nomli eksklyuziv raqamli kolleksiyalar bilan mukofotlashini ma’lum qildi.
Shuningdek, Telegram asoschisi olimpiadaning “algoritm” so‘ziga nom bergan Muhammad al-Xorazmiy vatani — O‘zbekistonda o‘tkazilayotganini bejiz emasligini ta’kidladi.
Ma’lumot uchun, Xalqaro informatika olimpiadasi ilk bor
O‘zbekistonda o‘tkazilmoqda. 16-avgustgacha davom etadigan olimpiadada 97 dan ortiq mamlakatdan kelgan 386 nafar o‘quvchi sovrinli o‘rinlar uchun kurashadi.
✅ @ekspres • @sales_chat