Wallet endi Walt: Telegram kriptoekotizimini kengaytirmoqda

Telegram’dagi Wallet Walt nomi ostida yangilandi. Rebrending servisning oddiy kriptohamyondan keng imkoniyatlarga ega kripto platformaga aylanganini aks ettiradi.

Bu o‘zgarish Telegram yangi Gram Wallet hamyonini ishga tushirishga tayyorlanayotgan bir paytda e’lon qilindi. Endilikda ikki mahsulot turli vazifalarni bajaradi:

Gram Wallet — kundalik operatsiyalar uchun: Gram xarid qilish, Gifts va Stars’dan foydalanish, mablag‘ yuborish hamda Telegram ichidagi to‘lovlarni amalga oshirish imkonini beradi.

Walt esa kriptoaktivlar bilan faolroq ishlaydigan foydalanuvchilar uchun. Platformada 4 ta blokcheynda 300+ aktiv, 200+ kriptoaktiv bilan savdo, shuningdek tokenlashtirilgan aksiyalar, ETF va qimmatbaho metallarga investitsiya qilish imkoniyati mavjud.

Walt’da shuningdek Earn mahsulotlari va 70+ aktiv bo‘yicha perpetual fyucherslar mavjud. Yaqin kelajakda kripto kartalar va AI yordamida savdo qilish funksiyalari ham qo‘shilishi kutilmoqda.

Walt orqali Gram Wallet hisobini to‘g‘ridan to‘g‘ri to‘ldirish ham mumkin.

Bugungi kunda Walt’dan dunyo bo‘ylab o‘n millionlab foydalanuvchilar foydalanadi. Platforma The Open Platform tomonidan ishlab chiqilgan.