БАЛИҚҚА БОРМАЙМИЗМИ 🦈

Куз келди, дўст ошнанинг,
Кўнглини олмаймизми?
Йиғилишиб бугун бир,
Балиққа бормаймизми?

Кун бўйи ишлаймизу,
Меҳнатдан толмаймизми?
Ҳаммасин четга суриб,
Балиққа бормаймизми?

Балиқ тайёр бўлгунча,
Суҳбатлар қурмаймизми?
Ғаниматдир бу кунлар,
Балиққа бормаймизми?

Дардимиз айтиб бир-бир,
Кўнглимиз ёрмаймизми?
Дардимизни аритиб,
Балиққа бормаймизми?

Эҳ дўстим йўлимизни,
Дарёга бурмаймизми?
Умр ўтиб кетмоқда,
Балиққа бормаймизми?

👉🏻 @Dorilar_Plus