2023 - yil sarhisobi! || Welcome to 2024

O‘tgangi 2023-yil men uchun ajoyib va muhim yillarda biri bo‘ldi!

2022-yil qilgan niyatlarim maqsadlarimga erisha oldim! Alhamdulilloh!

Bu o‘tkazgan bir yil davomida tushunib yetdimki birinchi qadam yaxshi niyat bilan boshlanishi eng muhimi ekan!

Tasavvur qiling tugmali ko‘ylagingizni kiyyapsiz! Tugmalarini qadab bo‘ldingiz bir qarasangiz oxirgi tugma to‘g‘ri kelmay qoldi, sababi boshidagi tugma to‘g‘ri qadalmagani uchun! Bu birinchi tugma esa xuddi niyatga o‘xshaydi.

2023 - yil dasturlash olamiga kirib keldim! Najot Ta’lim IT o‘quv markazida Front-end yo‘nalishi bo‘yicha yuqori tajribali ustozlarni qo‘lida tahsil oldim!

Haqiqiy oltin davr deb bemalol aytolgan bo‘lardim! Bundan tashqari ajoyib tanishlar uchratdim!

Shunchaki ajoyib voqelar boshimdan o‘tdi. Bularni so‘z bilan tariflash qiyin!

Toshkentga shunday tarif berishardi - beshafqat ustoz deya! Demoqchi bo‘lganim, turli xil sinovlar meni yanada tarbiyaladi! Eng muhimi komfort zonamdan chiqib niyat qilgan niyatimga yetoldim, Allohga shukur!

O‘quv markazni bitirib bo‘lishim bilan yo‘nalishim bo‘yicha birinchi ishimni boshladim!

Qanchalik oldinga intilganingiz sari shunchalik sinovlar kuchlilashib boraverar ekan! Chidamli bo‘lishga harakat qiling! Sinovlarda toblangan istalgan narsa oxirida juda chiroyli bo‘ladi!

Tasavvur o‘rnida onangiz yopgan qip qizil nonni eslang! Bunday chiroyli holatga kelgunicha necha bosqichlardan o‘tadi? Bu esa xuddi hayotimizga o‘xshaydi!

Yangi yilda yangi niyatlari bilan olg‘a qadam qo‘yishni boshlaymiz! Barchaga 2024-yil eng esda qolarli va ajoyib yil bo‘lib qolsin!

@Diyorbek_Juraev_Blog