12 студзеня 2024 года каля Сейма Рэспублікі Польшча ў Варшаве адбыўся пікет са зваротам да польскіх уладаў, заняць больш рашучую пазыцыю ў адносінах да рэжыму Лукашэнкі, у сувязі з масавымі рэпрэсіямі, якія працягваюцца ў Беларусі, у т. л. да польскіх грамадзянаў.
У адрас спікера Сейма Шымона Галаўня, прэм'ер-міністра Дональда Туска і міністра замежных спраў Радзіслава Сікорскага перададзены ліст з адпаведнымі патрабаваньнямі, які падпісалі больш за 650 грамадзянаў з Беларусi i iншых краiн.

Прапанавана прыняць неадкладныя і вычарпальныя меры па забеспячэнні бяспекі закладнікаў тэрарыстычнага рэжыму і, пры магчымасцi, дамагчыся іх эвакуацыі ў бяспечныя для іх краіны. У адваротным выпадку ўсе грузаперавозкі з Беларусі, а таксама Расіі й Кітая, якія праходзяць праз Беларусь у краіны ЕС, павінны быць спынены.

Пікеты ў патрымку гэтых патрабаваньняў будуць праходзіць кожныя 2 тыдні і паступова разгортвацца ў іншых гарадах Польшчы і заходніх краінаў.

Анонс