Moskva aeroportlarida reyslar kechiktirilib, bekor qilinmoqda

Rosaviatsiyaning ma’lum qilishicha, Moskvaning “Vnukovo”, “Sheremyetevo”, “Domodedovo” va “Jukovskiy” aeroportlarida mahalliy vaqt bilan soat 15:40 lardan boshlab vaqtinchalik cheklovlar kiritildi.

Bu Moskva shahri va viloyatiga dronlar hamda kichik havo sharlari hujum qilingani bilan bog‘liqligi aytilmoqda.

FlightRadar24 xizmati ma’lumotlariga ko‘ra, “Vnukovo”da reyslarning 40 foizdan ortig‘i kechiktirilgan (o‘rtacha kechikish 102 daqiqani tashkil etmoqda). Shuningdek, 10 foiz reyslar bekor qilingan. Hozircha Moskva shahri va viloyatiga dronlar hujumi haqida rasmiy xabarlar berilmadi.

@daryo_live