“Oddiy bir ayol ko‘z yoshi bilan: “Janob Prezident, Rossiyada ishlab yurganman, necha yillardan beri. Ikki nafar farzandim bor, ona bo‘lib o‘zim tarbiyalayapman”, dedi.

Uning ko‘zida nur bor edi. Menga aytgan birinchi gapi — “Bu yerda daromadim ancha yuqori”, degani bo‘ldi”, — dedi davlat rahbari.

Prezidentni yana bir jihat xursand qilganini aytib, ayolning ikki farzandidan biri bu yil Andijon davlat tibbiyot institutiga o‘qishga kirganini ta’kidladi.

“Men undan: “Besh yil oldin farzandingiz o‘qishga kirishiga ishonarmidingiz?” deb so‘radim. Butun zal “Hech qachon bunday bo‘lmagan”, deb javob berdi.

Bu islohotlarimizga berilgan xalqning bahosi emasmi?” — dedi Shavkat Mirziyoyev.