Рассказ на тантынском языке.

Ца калгунне сай шайх адми. Гьелала мякьлияр калгунне сар ца ккамгIа хьхьунул. ГьатIи гьил хьхьунулла калгунне саби ца гIяппяси. Гьел хьхьунул рикIуле сари шайхлицце: ма гьиж гIIяппяси, — рикIуле сар. Дамцце калганне, — рикIуле сари, чербахьуле сабну. Буца, рикIуле сар, гIяцце гьиж. ГьатIи гIIягIIнибичибкъалле, леркьяд гIяшшу. Гьил бикъа ибле леркьядну, буца, рикIуле сар. Биччибле сари биххяхъиж. Сассибле гьилили, кабишшибле сай. ЧIуйналла гIIягIIнибичибкъалле, агурле сар. Бикъа дила гIIяппяси, гIIягIIнибичибле саб дам, рикIуле сар. Гьил шайх викIуле сай гьилицце: луччид, викIуле сай. ГIела гIIяппяси шагьира баркьибле тебде, гIIяппясира шагьира чIалра луччид, викIуле сай. Кассибле диччибле сай. Ма гьиж гIIяппясира, гьижили баркьибсе гьиж шагьира, ма гIят. ЧIуйналлара чIужилла берира биччибле саби гьилили. Ма, рикIуле сар, гьатIира гьиж гIIяппяси. Дамцце чербахьуле сабну, биххя. Сассибле сай. ГьатIира рачIибле сари, бикъа, рикIуле сари, гIIягIIниле дам гьилну. Раше, шагьира баркьибле теб, викIуле сай, ма гьиж шагьира гIIяппясира, букъа. ГIяйналлара рачIибле сари, ма гьиж гIIяппяси, буца, ибле. Кассибле гьилили гIIяппяси, кабишшибле сай гIIунеллагу. ГьатIи рачIибкъалле, бикъа дила гIIяппяси ибле, гьил викIуле сай: гIела гIIяппяси бебчIиб кьалле. Селле бебчIиба? — рикIуле сарну, вяхI — викIуле сай, гIяппясили шагьи биркьиж бирхукъале, бебчIиж гIябирхусей?

#чтение #танты