Ахъ шулла цӀудар хъирхъа
Хьадиръур хъуцӀаллиши
Андайлир шараб хӀулби
Дизи дирджихъа, или.
Шулла цӀудара хъирхъа,
Андайлир шараб хӀулби
Лирāлу нахӀа дирджис?
ХӀуши дига дихьиблā
Икьули шишимъула,
Дирджира шинлис кьадин.
***
ХӀаркӀла цӀудар чӀичӀала
Адурхар михъиллиши
Чархлизир чакар уркӀи
Дизи дирквихъин, или.
ХӀаркӀла цӀудар чӀичӀала,
Чархлизир чакар уркӀи
Лирāлу нахӀа дирквис?
ХӀуши карцӀи духъуннā,
Икьули анцӀукьлума
Диркунна кьацӀлис кьадин.

ГӀвямалла Батирай.

#поэзия