Уршилис бучӀул гардла далай
Колыбельная для мальчика

Тясдухъунил тяйлиин
ТяхӀти дирхъани далтул
Итагьаби, я̄ Аллагь,
БархӀē шала дулъухъул
РурхӀути яракьла вагӀ
Итагьаби, я̄ Аллагь
ГӀяхгъвабза адагъуна.
Виллюр виллюр виллюртар
Виллюр архӀя̄ хӀябсуртар
Лабис дарайла хӀавнар
ХӀу мурдаиръул урчи
Урхьула шинъван хьанцӀа
Урчилишир улибхьа
Гъази-Кумух устнēла
ХӀуни хьайхъути яракь
Хан-уцмēла нукелла
ХӀуни хьалгьути палтар
ГӀядē хā БухӀяммадла
ЦӀуб игӀя̄ анкъанивил
ЦӀуб арцла цӀицӀимкала
Парх-арсулли армякьяд
Аба мицӀилли лирай
ХӀула адайлāбас ват
Адавдзēгвар адайла
Духьала дицӀиб мургьи
Чаллāгварил абала
Сури дицӀиб хӀвяли-арц
Мадагьас хӀула агри
ХӀула адайлāбас ват.

#поэзия