Рурсилис бучӀул гардла далай
Колыбельная для девочки

Гъумикēла мердумти
ХӀуд дила кӀанби агьаб
Бакула алдаруйти
ХӀуд дила хӀавни агьаб.
Бухалла пархитӀуни
ХӀуд дила буршми агьаб
Шамахēла кьвалтинти
ХӀуд дила чӀянкӀби агьаб.
Мургьи-арцла мягӀдумти
ХӀуд дила тӀулкми агьаб
Шарабла гӀинидз алав
Шалали дакӀиб вава
ХӀу дила мадигваби
Дакьалла швал дикӀ духӀя̄
Туманар дубуллишир
ШвяхӀрумар джанай вава
ХӀу мургьили дилкӀваби
Дила ахӀарил рурси
Гулмандила дубгъуна
Дарайла ислагъуна
Кьванъила урдуллиур
КьутӀи хӀинтӀина къакъба
Хъар суряхӀē хьар шишā
Урґала дай кьиблама
ХӀула адара ватаб
ЦӀуба къуршма ихихъис
ХӀула адайра датаб
Дулхун хӀавна дикьихъис
Адайлāбара датаб
Харā кӀанба исихъис.

#поэзия