Dapamoga

А надо её инсту здесь поставить , она - прекрасный фотограф

🏰🌟 ВЕЧАР У ЗАМКУ

Дзякуй Крысціне за цудоўнае відэа

Да заўтра! 🫶

💔НЯДЗЕЛЬНЫ МІТЫНГ САЛІДАРНАСЦІ💔

У гэту нядзелю 27 верасня а 12:00 сустракаемся на традыцыйным мітынгу салідарнасці на плошчы Вінцаса Кудзіркі.

Мы працягваем выходзіць, пакуль за кратамі застаюцца нашы людзі. Пакуль тысячы беларусаў пазбаўленыя волі толькі за тое, што хацелі жыць у вольнай краіне.

🤍Прыходзьце!
❤️Будзьма разам!
🤍Пакуль усе не будуць вольныя!

Жыве Беларусь!

🗓️ Нядзеля 27 верасня
🕐 12:00
📍 Плошча Вінцаса Кудзіркі

🎨 «Папяровы пірог» — выстава калажоў Наталлі Карнеевай

Запрашаем 29 верасня ў ZOLAK на адкрыццё выставы калажоў «Папяровы пірог» Наталлі Карнеевай.

У праграме вечара:
✂️ майстар-клас па калажы
🎶 музыка ад Вячкі Красуліна
💬 размовы пра паперу, калаж і жыццё
🥂 невялікі святочны фуршэт

Будзе магчымасць паглядзець выставу, пагаварыць, паспрабаваць сябе ў калажы і проста добра правесці вечар у кампаніі сяброў.

А яшчэ «Папяровы пірог» — гэта падарунак Наталлі самой сабе. Бо як яшчэ творчаму чалавеку адзначыць свой дзень народзінаў, як не зрабіць выставу пра сваё хобі? 🎂

Наталля Карнеева — вядомая беларуская керамістка, а гэтым разам запрашае нас у свой папяровы свет.

Падрабязнасьці

📍 Zolak Micro Art Residence
🕖 29 верасьня / Пачатак 18:30
🎟 Уваход вольны

📊СУСТРЭЧА З АЛЯКСАНДРАМ КНЫРОВІЧАМ: колькі будзе каштаваць новая Беларусь?📊

У суботу, 26 верасня а 18:30, сустракаемся ў Беларускім Замку з беларускім прадпрымальнікам і эканамічным аглядальнікам Аляксандрам Кныровічам.

Аляксандр больш за 20 гадоў кіраваў групай кампаній «Сармат», быў адным з заснавальнікаў супольнасці бізнес-анёлаў і венчурных інвестараў БАВІН, падтрымліваў стартапы. Сёння ён рэгулярна аналізуе беларускую эканоміку, бізнес і магчымыя сцэнары будучыні краіны.

Але гэтым разам прапануем пагаварыць не толькі пра тое, якой мы хочам бачыць Беларусь пасля перамен, але і пра тое, колькі гэтыя перамены будуць каштаваць.

Калі для Беларусі можа адкрыцца акно магчымасцяў — і ці будзем мы да яго гатовыя?

Якім можа быць сцэнар пераходу?

Наколькі моцна беларуская эканоміка сёння залежыць ад Расіі і колькі можа каштаваць змяншэнне гэтай залежнасці?

Што будзе азначаць для краіны выбар еўрапейскага шляху і збліжэнне з ЕС — для бізнесу, дзяржаўных прадпрыемстваў, інвестыцый і звычайных беларусаў?

І, нарэшце, з чаго пачынаць будаваць эканоміку новай Беларусі?

Пра гэта будзем размаўляць з Аляксандрам Кныровічам — і, вядома, пакінем час для пытанняў і дыскусіі з залай.

🗓 Субота 26 верасня
🕐 18:30
📍 Беларускі Замак, Naujoji Riovonių 10

🤝 В Вильнюсе 3 октября пройдет митинг против расизма. Националисты на ответную акцию свезут людей автобусами — МВД опасается беспорядков

3 октября в центре Вильнюса пройдут две акции: против расизма и против «массовой иммиграции». Министр внутренних дел Мартинас Кателинас опасается столкновений и напоминает о беспорядках у Сейма в 2021 году.

Демонстрация против расизма начнётся в 13:30 на площади Независимости у Сейма. Среди организаторов — Solidarumo Grandis и профсоюз «Первого мая» (G1PS).

В анонсе акции они призывают поддержать мигрантов, выступить против их преследования и объединяться для защиты трудовых прав независимо от происхождения. Организаторы считают, что «приезжих превращают в козлов отпущения, возлагая на них ответственность за общественные проблемы».

Через полчаса, в 14:00 на площади Винцаса Кудирки у правительства, начнется митинг против «массовой иммиграции», который созывает «Национальное объединение» во главе с Витаутасом Синицей. Первоначально он тоже планировался у Сейма, но площадь уже была согласована для акции против расизма.

Участников митинга Синицы планируют привозить автобусами из других городов, заявил Кателинас. В разрешении указаны 200 человек — такую оценку подали сами организаторы. Но министр считает, что людей будет существенно больше. По его словам, ответственность за безопасность лежит и на организаторах, и на самоуправлении; службы готовятся реагировать на возможные инциденты.

Контекст. 10 августа 2021 года после митинга против ковидных ограничений часть протестующих заблокировала выходы из Сейма. Начались столкновения: в силовиков бросали камни и бутылки, полиция применила слезоточивый газ. Пострадали сотрудники полиции и Службы общественной безопасности, камнями забросали в том числе машину скорой помощи.

🗓 Субота, 26 верасня

10:00 – 🧘 заняткі па ёзе ў Беларускім Замку

14:00 – 🧹суботнік ў Беларускім Замку

14:00 - 21:00 – 🪞прыём прафесіянала ў сферы прыгажосці ў Беларускім Замку

14:00 - 21:00 – 💆‍♀️ прыём масажыста ў Беларускім Замку

18:00 - 21:00 – 🇺🇦 пляценне маскіравальных сетак для Украіны ў Беларускім Замку

18:30 – 📊 сустрэча з Аляксандрам Кныровічам у Беларускім Замку

Штовечар – 🕯️варта святла ў памяць пра герояў Беларусі ля Беларускай Амбасады

⸻

🫶Актуальныя дабрачынныя зборы на платформе Dapamoga:

https://dapamoga.org/be/donations

💔Падтрымаць можна любы збор — разам мы можам больш!

🧘 ЗАНЯТКІ ПА ЁЗЕ З ІНСТРУКТАРАМ АЛЕСЕМ 🧘

Па суботах запрашаем на ёгу ў Беларускім Замку! Заняткі праводзіць інструктар Алесь.

Што вас чакае?

   •   Практыкі для цела і душы: мяккія расцяжкі, дыхальныя практыкаванні і расслабленне.
   •   Палепшанне гнуткасці, умацаванне цягліц і зняцце напружання.
   •   Балансаванне ўнутранага стану і зарад энергіі.

Чаму ёга карысная?

   •   Дапамагае пазбавіцца ад стрэсу і гарманізаваць розум.
   •   Умацоўвае фізічнае здароўе і паляпшае паставу.
   •   Павышае канцэнтрацыю і дапамагае знайсці ўнутраны баланс.

Прыходзьце, каб адчуць сябе лепш і пачаць дзень з клопату пра сябе!

🗓 Субота
🕐 10:00
📍 Беларускі Замак, Naujoji Riovonių 10

📊СУСТРЭЧА З АЛЯКСАНДРАМ КНЫРОВІЧАМ: колькі будзе каштаваць новая Беларусь?📊

У суботу, 26 верасня а 18:30, сустракаемся ў Беларускім Замку з беларускім прадпрымальнікам і эканамічным аглядальнікам Аляксандрам Кныровічам.

Аляксандр больш за 20 гадоў кіраваў групай кампаній «Сармат», быў адным з заснавальнікаў супольнасці бізнес-анёлаў і венчурных інвестараў БАВІН, падтрымліваў стартапы. Сёння ён рэгулярна аналізуе беларускую эканоміку, бізнес і магчымыя сцэнары будучыні краіны.

Але гэтым разам прапануем пагаварыць не толькі пра тое, якой мы хочам бачыць Беларусь пасля перамен, але і пра тое, колькі гэтыя перамены будуць каштаваць.

Калі для Беларусі можа адкрыцца акно магчымасцяў — і ці будзем мы да яго гатовыя?

Якім можа быць сцэнар пераходу?

Наколькі моцна беларуская эканоміка сёння залежыць ад Расіі і колькі можа каштаваць змяншэнне гэтай залежнасці?

Што будзе азначаць для краіны выбар еўрапейскага шляху і збліжэнне з ЕС — для бізнесу, дзяржаўных прадпрыемстваў, інвестыцый і звычайных беларусаў?

І, нарэшце, з чаго пачынаць будаваць эканоміку новай Беларусі?

Пра гэта будзем размаўляць з Аляксандрам Кныровічам — і, вядома, пакінем час для пытанняў і дыскусіі з залай.

🗓 Субота 26 верасня
🕐 18:30
📍 Беларускі Замак, Naujoji Riovonių 10

🎧 СЁННЯ НАШ DJ CLAMOROSO — ЗА ПУЛЬТАМ! 🔊

Сёння наш Дзяніс CLAMOROSO грае свой DJ-сэт у клубе HELL?A! 🖤🔥

🕜 01:30–02:30
📍 Liejyklos g. 3, Vilnius

Калі плануеце сёння не спаць — ведаеце, дзе шукаць Дзяніса. 😈

А ўжо 3 кастрычніка пачуем яго ў Беларускім Замку на QUIZAVA: OKTOBERFEST! 🍺🇩🇪🔊

💅 У НАС ЦУДОЎНАЯ НАВІНА — КАРАЛІНА ВЯРТАЕЦЦА! 🤍

Ужо з панядзелка наша Караліна зноў у Беларускім Замку і працягвае з любоўю і пяшчотай клапаціцца пра вашы пальчыкі на руках і нагах. ✨

✨ Паслугі і кошт:

• Манікюр — 15 €
• Манікюр + умацаванне гелем — 20 €
• Нарошчванне — 30 €
• Педыкюр (пальчыкі + пакрыццё) — 15 €
• Поўная апрацоўка стоп — 25 €
• Поўная апрацоўка стоп + пакрыццё — 35 €

Караліна будзе вельмі рада зноў бачыць знаёмыя твары — і пазнаёміцца з новымі! 🤍

📲 Анлайн-запіс ужо адкрыты!
https://dikidi.net/2093643

💌 Telegram: @Karolesk
📞 +370 639 29 725

🗓 Пн • Ср • Пт • Нд
🕛 12:00–21:00
📍 Беларускі Замак
Naujoji Riovonių g. 10

🤝 СУСТРЭЧА ПА ПЫТАННЯХ МІГРАЦЫІ І ІНТЭГРАЦЫІ 🤝

Сёння 25 верасня з 16:00, кіраўніца Dapamoga Наталля Калегава праводзіць індывідуальныя кансультацыі па пытаннях міграцыі і інтэграцыі.

Каб забраніраваць зручны для вас час, калі ласка, звяжыцеся з Наталляй наўпрост (кантакт Наталлі — @nk_dapamoga).

Будзем рады дапамагчы 🤍

🗓 Пятніца 25 верасня
🕐 з 16:00
📍 Беларускі Замак, Naujoji Riovonių 10

📚 АЛЯКСАНДР ФЯДУТА Ў ВІЛЬНІ: «КАЛАСЫ ПАД СЯРПОМ ТВАІМ»: УЧОРА, СЁННЯ, НАЗАЎЖДЫ»

У пятніцу 2 кастрычніка а 18:00 ў Беларускім Замку адбудзецца лекцыя літаратуразнаўцы і даследчыка Аляксандра Фядуты, прысвечаная аднаму з галоўных твораў беларускай літаратуры — раману Уладзіміра Караткевіча «Каласы пад сярпом тваім».

У 1965 годзе Караткевіч пачаў друкаваць раман на старонках часопіса «Полымя». З цягам часу «Каласы пад сярпом тваім» сталі кнігай, праз якую не адно пакаленне беларусаў адкрывала для сябе ўласную гісторыю, культуру і нацыянальную ідэнтычнасць.

Праз больш чым паўстагоддзя Аляксандр Фядута, знаходзячыся ў зняволенні, напісаў своеасаблівы каментар да рамана — кнігу «Лексікон “Каласоў пад сярпом тваім”». У ёй даследчык аналізуе вобразы, ідэі і базавыя прынцыпы, на якіх пабудаваны свет Караткевіча.

На сустрэчы ў Вільні аўтар «Лексікону» распавядзе пра сваё прачытанне легендарнага рамана, яго герояў і сэнсы — і пра тое, чаму «Каласы пад сярпом тваім» застаюцца актуальнымі для беларусаў сёння.

Пасля лекцыі запрашаем да супольнай дыскусіі.

Мерапрыемства ладзіцца ў межах праграмы «ArtPower Belarus» у сумесным праекце Міжнароднага Саюза беларускіх пісьменнікаў і кампаніі «Будзьма беларусамі».

🗓 Пятніца 2 кастрычніка
🕐 18:00
📍 Беларускі Замак, Naujoji Riovonių 10

🎭 КЛУБ «ІМПРАВІЗАЦЫЯ» ЗАПРАШАЕ ПАДЛЕТКАЎ!

Клуб зносін і развіцця «Імправізацыя» запрашае падлеткаў ад 9 да 17 гадоў паспрабаваць сябе ў маўленчай і тэатральнай творчасці — без сцэнарыя і загадзя падрыхтаваных роляў!

Пад кіраўніцтвам трэнера ўдзельнікаў чакае вясёлая і дынамічная размінка, заданні на хуткасць мыслення і рэакцыі, развіццё фантазіі і пачуцця гумару.

Будзем прымяраць новыя ролі, развіваць навыкі зносін, вучыцца не баяцца нечаканых сітуацый і проста выдатна бавіць час. Тут галоўнае — свабода самавыяўлення! ✨

А фіналам стане камедыйнае шоу, якое дзеці створаць самі дзякуючы ўласнай фантазіі і імправізацыі. Самых вясёлых і знаходлівых удзельнікаў чакае цікавая прапанова! 😉

🎟 Уваход вольны!

📍 J. Basanavičiaus g. 18, Vilnius

📅 26 верасня — 15:00
📅 27 верасня — 14:00
📅 3 кастрычніка — 15:00

📝 Удзел па папярэдняй рэгістрацыі.

❓ Пытанні: @juli_joy369

Прыходзьце імправізаваць, фантазіраваць, смяяцца і адкрываць у сабе новыя таленты! 🎭✨

🗓 Пятніца, 25 верасня

11:00 – 👥 канферэнцыя «Спадчына Алаізы Пашкевіч-Цёткі — прастора беларуска-літоўскага дыялогу» у Музеі Марыі і Юрыса Шлапялісаў

18:00 – 21:00 – 🇺🇦 пляценне маскіравальных сетак для Украіны ў Беларускім Замку

Штовечар – 🕯️варта святла ў памяць пра герояў Беларусі ля Беларускай Амбасады

⸻

🫶Актуальныя дабрачынныя зборы на платформе Dapamoga:

https://dapamoga.org/be/donations

💔Падтрымаць можна любы збор — разам мы можам больш!

🎧 DJ CLAMOROSO: ЗРАБІ ГУЧНЕЙ

Дзяніс — беларус з Нясвіжа, які 14 гадоў пражыў у Італіі, а сёння дзеліць сваё жыццё паміж Літвой і Італіяй і рэгулярна становіцца за DJ-пульт.

І нават яго творчы псеўданім — CLAMOROSO — мае італьянскую гісторыю.

У дзяцінстве яго італьянскі бацька часта казаў яму: «Denis, sei troppo rumoroso» — «Дзяніс, ты занадта шумны». Праз шмат гадоў гэтая фраза нечакана адгукнулася ў DJ-імені. Clamoroso па-італьянску — нешта гучнае, сенсацыйнае, такое, што выклікае рэзананс.

І, здаецца, для чалавека за DJ-пультам імя атрымалася вельмі трапным 🔊

🎛️ Усё пачалося яшчэ ў Нясвіжы, калі Дзянісу было 14 гадоў.

Аднойчы ён прыйшоў да сябра-DJ у мясцовы Дом культуры, убачыў яго за пультам і зразумеў: хоча паспрабаваць сам. Папрасіў сябра навучыць — і так пачалася гісторыя, якая працягваецца дагэтуль.

Спачатку былі клубная музыка, pop і house. А сапраўднае захапленне тэхна прыйшло ўжо ў Італіі.

Там у Дзяніса з’явілася кампанія сяброў — аматараў тэхна і рэйваў. Новая музычная культура паступова змяніла і яго ўласны густ: ад звыклай клубнай музыкі ён усё больш рухаўся ў бок тэхна.

Сёння адным з галоўных кірункаў для CLAMOROSO стаў melodic techno — музыка менш цяжкая і агрэсіўная, чым industrial techno, але з вялікай увагай да мелодыі, атмасферы і развіцця гуку. Дзяніс кажа, што ў Літве гэты кірунак пакуль не настолькі папулярны, і называе яго хутчэй музыкай для тых, хто сапраўды любіць слухаць.

🇮🇹🇱🇹 Сёння ў яго фактычна дзве краіны — Літва і Італія. І такі лад жыцця яго не стамляе: у абедзвюх краінах ёсць справы, сябры і сваё жыццё, у абедзвюх ён адчувае сябе добра.

Але ёсць яшчэ адна краіна.

Беларусь 🤍❤️🤍

І яна, кажа Дзяніс, займае асобнае месца ў сэрцы, таму што Беларусь — яго Радзіма.

А ўжо ў суботу 3 кастрычніка праверыць, наколькі clamoroso можа быць у Беларускім Замку, зможам і мы 😈

Пасля QUIZAVA: OKTOBERFEST DJ CLAMOROSO стане за пульт — і наш нямецкі вечар паступова ператворыцца ў маленькі берлінскі рэйв 🇩🇪🍺🔊

І так, Rammstein мы таксама папрасілі.

Бо калі ўжо troppo rumoroso — то як след 🖤

#НЕЦЭНЗУРАВАНА feat. #QUIZAVA

🤍🇱🇹 КАНФЕРЭНЦЫЯ ДА 150-ГОДДЗЯ АЛАІЗЫ ПАШКЕВІЧ (ЦЁТКІ) Ў ВІЛЬНІ 🤍🇱🇹

У пятніцу, 25 верасня, а 11:00 у Вільні адбудзецца канферэнцыя «Спадчына Алаізы Пашкевіч-Цёткі — прастора беларуска-літоўскага дыялогу», прымеркаваная да 150-годдзя з дня нараджэння адной з найбольш значных постацяў беларускай культуры — Алаізы Пашкевіч, вядомай пад псеўданімам Цётка.

Канферэнцыя стане нагодай яшчэ раз звярнуцца да спадчыны Цёткі і пагаварыць пра беларуска-літоўскія культурныя і гістарычныя сувязі.

Сярод арганізатараў — дэпутат Еўрапейскага парламента Віцяніс Повілас Андрукайціс, старшыня Таварыства беларускай культуры ў Літве Аляксандр Адамковіч, першы намеснік старшыні партыі «Народная грамада» Яўген Вільскі.

Асноўны спонсар канфэрэнцыі — літоўскі фонд Сцяпанаса Кайрыса.

На канфэрэнцыю запрошаныя беларускія і літоўскія навукоўцы і дзеячы, якім неабыякавыя асоба і творчасьць Цёткі, а таксама дачыненьні двух суседніх народаў.

Запрашаем і вас далучыцца да размовы пра Цётку, яе спадчыну і беларуска-літоўскі дыялог 🤍🇱🇹

🔗Больш інфармацыі пра канферэнцыю па спасылцы:

https://www.svaboda.org/a/33863428.html

🗓 Пятніца 25 верасня
🕐 11:00
📍 Музей Марыі і Юрыса Шлапялісаў, Pilies g. 40

🕯️ВАРТА СВЯТЛА Ў ПАМЯЦЬ ПРА ГЕРОЯЎ БЕЛАРУСІ🕯️

Ужо больш за 5 гадоў — кожны вечар. Ціха. Побач. У памяць.

Ужо больш за пяць гадоў беларусы ў Вільні штодня запальваюць свечкі і лампадкі каля амбасады Беларусі — у памяць пра загінулых, забітых і закатаваных герояў Беларусі, пра тых, хто аддаў жыццё за свабоду, годнасць і права быць чалавекам.

Гэтая ціхая варта святла стала традыцыяй памяці, болю і надзеі.

На жаль, з кожным годам колькасць партрэтаў толькі павялічваецца. Новыя імёны. Новыя гісторыі. Новыя страты, якія не павінны былі адбыцца 💔

Але пакуль гарыць святло — жыве памяць.

🙏 Просім усіх неабыякавых падтрымаць нашу ціхую штодзённую традыцыю і далучыцца да вечаровага запальвання свечак і лампадак, запісаўшыся ў табліцу дзяжурства.

https://docs.google.com/spreadsheets/d/1wxV8FvgPlIX6dp4KnLMgqOBiBsOD3co3ftfBC5awn2U/edit?usp=drivesdk

Нават адзін вечар — гэта ўжо знак, што мы памятаем.
Што мы побач.
Што ніхто не забыты.

🗓 Штовечар
📍 Амбасада Беларусі, Mindaugo g. 13

🧹СУБОТНІК У ЗАМКУ 🏰

У гэтую суботу, 26 верасня, з 11:00 да 17:00, збіраемся ў Беларускім Замку на суботнік!

Беларускі Замак — гэта наш агульны дом, а значыць, час ад часу яму патрэбныя нашы рукі, клопат і крыху сумеснай працы 💪

Будзем разам наводзіць парадак у Замку і добраўпарадкоўваць тэрыторыю вакол яго.

Запрашаем усіх, хто мае час і жаданне дапамагчы, далучыцца! Можна прыходзіць на ўвесь дзень або хаця б на некалькі гадзін — кожная пара рук будзе вельмі дарэчы ❤️

🗓 Субота 26 верасня
🕐 11:00 - 17:00
📍 Беларускі Замак, Naujoji Riovonių 10