Частка IХ: Праца
.
Кампутарныя гульні гістарычна заўсёды былі пра паралельны выдуманы сусвет. Але сама фізічная прырода гульні нічым не адрозніваецца ад іншых аспектаў жыцця - адрозніваецца толькі асяроддзе. Хімічная рэакцыя ў галаўным мозгу пры забойстве складанага боса ці атрыманні тоўстага бонуса на працы практычна ідэнтычная.
.
DAO змяняюць падыход да арганізацыі і каардынацыі людзей, а пандэмія і цыфравізацыя змянілі прыроду працы. Сёння навыкі і веды састарваюцца на працягу 5 гадоў (ці, прынамсі, узнікае неабходнасць атрымліваць новыя). Амаль уся праца стала выдаленай, лічбавай, не залежачай ад юрысдыкцый. Праца гэта ўжо не нешта, дзеля чаго вы спачатку 15 гадоў вучыцеся, а потым вымушаны змірыцца, але рабіць, каб забяспечыць неабходны ўзровень камфорту.
.
Праца становіцца выкананнем эканамічна і сацыяльна значных функцый усярэдзіне DAO. Ужо сёння існуюць дзясяткі DAO, дзе вы можаце лёгка зарабляць ад $10k/мес пры гэтым не маючы фармальнага працадаўцы ці службовых інструкцый. Натуральна, вам ніхто не будзе плаціць за гультайства, але вы самі выбіраеце калі, у якой камандзе і над чым працаваць. Гэта выглядае як гульня, але выніковы прадукт нічым не саступае таму, што ствараюць карпарацыі. І гэта толькі першыя эксперыменты і абкатка самой мадэлі. Як гэта выглядае?
.
Вы прыходзіце ў новую супольнасць і дэманструеце свае навыкі. Дапусцім, вы інжынер, пісьменнік, музыка ці маркетолаг. Можа быць вы школьнік ці студэнт і хочаце толькі навучыцца нейкай каштоўнай і цікавай прафесіі. Вы паступова выконваеце "квэсты" і ўбудоўваецеся ў супольнасць. Магчыма, гэтая супольнасць не падыходзіць вам па духу, каштоўнасцям, праектам, часавой зоне ці мове - тады вы ідзеце ў любое іншае. Вы можаце сумяшчаць удзел у 2, 3 ці 10 розных DAO.
.
Вы становіцеся часткай "гільдыі" - супольнасці прафесіяналаў у пэўнай сферы. Разам з вашай і іншымі гільдыямі вы праходзіце "рэйды" - буйныя праекты, звычайна ад 2 да 24 месяцаў. За кожнае карыснае дзеянне вы атрымліваеце аплату ў ліквідных токена. Можаце трымаць долю у вашым DAO, спадзеючыся на яго рост і для ўдзелу ў гавернансе, а можаце імгненна прадаць за даляры ці эўра.
.
Па меры адукацыі, знаёмствы з іншымі ўдзельнікамі, выкананні працы вы атрымліваеце вопыт - балы, якія паказваюць ваш уклад і на аснове якіх налічваецца аплата. (Прычым, у рэальных ДАО сёння ёсць варыянты калі з/п прыходзіць раз у месяц, а ёсць варыянт калі яна налічваецца штосекундна праз stream канал у L2 сеткі).
.
З дапамогай досведу вы развіваеце свайго персанажа. Але толькі персанаж гэта не эльф з серабрыстымі валасамі (хоць, чаму не?), а персанаж - гэта вы. Вы знаходзіце рэальныя навыкі, будуеце сетку знаёмстваў, запускаеце прадукты і бізнэсы, робіце патрэбныя і важныя рэчы для супольнасці. Не абавязкова нават анлайн. Напрыклад, MetaFactory - гэта ДАО, якое вырабляе адзенне, купіўшы якое вы атрымліваеце рэальную футболку і яе копію ў свеце віртуальнай рэальнасці.
.
#Web3
.
@cryptobelarusik