TRIPP-ի շուրջ ներկայացվող աժիոտաժը, թե իբր իրանական կողմը դեմ է և արգելափակելու է այն, չի համապատասխանում իրականությանը։ Այդ մասին Ազգային ժողովում պատգամավորների հարցերին ի պատասխան նշել է Արտաքին գործերի և միջազգային առևտրի նախարար Արարատ Միրզոյանը։

Ըստ նախարարի՝ Իրանում բավարարված են TRIPP-ի շուրջ ողջ գործընթացի հայկական կողմի ցուցաբերած թափանցիկությամբ։

«Իրանում բավարարված են մեր կողմից TRIPP-ի շուրջ կատարյալ թափանցիկությամբ, բոլոր հարցերը քննարկելու պատրաստակամությամբ, ինչպես նաև այն տնտեսական հնարավորություններով, որ այդ նույն ենթակառուցվածքների ապաշրջափակումը և վերագործարկումը ընձեռելու է հենց Իրանին և իրանական տնտեսությանը»։

👉 ԱՎԵԼԻՆ