У праваслаўнай верніцы і мастачкі Аксаны Шаляпінай у калоніі выявілі анкалагічнае захворванне

Пра дыягназ 48-гадовай мастачкі стала вядома праваабаронцам «Вясны». Шаляпіна знаходзіцца ў гомельскай жаночай калоніі № 4. Цяпер большую частку часу яна праводзіць у медсанчастцы. Ці атрымлівае жанчына належную дапамогу, невядома.

Аксана Шаляпіна ўдзельнічала ў мастацкім афармленні Свята-Успенскага манастыра ў Жыровічах. У лістападзе 2025 года яе асудзілі на тры гады калоніі паводле артыкула аб «садзейнічанні экстрэмісцкай дзейнасці» — за дапамогу палітвязням, якія знаходзіліся пад вартай.

«Хрысціянская візія» раней уключыла Шаляпіну ў спіс пераследаваных хрысціян.