Choydosh

Topmoq - yo‘qotmoqdir,
Yo‘qotmoq – topmoq,
Sen so‘lib,
Men yashab, 
To‘lishimga boq.
Sensiz topganimdan
Ko‘proq yo‘qotdim –
Sen meni yupatding,
Seni yig‘latdim,
Sen meni yaratding,
Seni tugatdim.
Uyalmay ONA deb,
Kelishimga boq!..

@choydosh

Muhabbat kapalak misoli:
anglamaganga — bir kunlik,
anglaganga — bir umr.

@choydosh

Ko‘ngilda ko‘p edi orzu-yu havas,
Imorat bitdi-yu yetmadi nafas.

«Hikmatlar chashmasi»dan.

@choydosh

Ba’zi suhbatlar bor — na joy tanlaydi, na fursat.
Ular uchun ikki piyola choy yetarli.

@choydosh

Bir og‘och bo‘lsa –
Inonsam,
Uxlasam ko‘lankasida.

Bir yulduz bo‘lsa –
Inonsam,
Katta yo‘lga chiqsam uni qoralab.

Bir qopqa bo‘lsa –
Inonsam,
Qarshimda yurakday ochilsa.

Bir ko‘z bo‘lsa –
Inonsam,
Tikilib bir umr to‘ymasam.

Bir so‘z bo‘lsa –
Inonsam,
Aytsam-da yig‘lasam –
Onasiga erkalanib yig‘lagan go‘dakday.

Bir yurt bo‘lsa –
Inonsam,
Qushday erkin uchsam quchoqlarida,

Og‘och eksam tuproqlarida,
Kelajak og‘ochlarin o‘tqazsam…

@choydosh

Dunyoning eng chiroyli olma daraxti boʻlsang ham sendan apelsin istaydiganlar topiladi.

@choydosh

Choy damlaydigan mashina sotib oldim. Suv qaynashi bilan "Suv qaynadi, hozir choyni damlayapman", dedi, yana birozdan keyin "Choyingiz tayyor, marhamat qiling", dedi.
Men "Bu qanday ajoyib mashina ekan", deb hayron qoldim. Aslida bundan oldingi choy damlash mashinam ham aynan shu ishni qilardi, faqat indamas edi.

Hayotda ham shunday, sen ishingni jimgina, mukammal bajarsang ham odamlarni ko'p gapirib o'ziga qaratgan, arzimas ishini ham dunyoga ovoza qiladiganlar olqishlanadi.

@choydosh

Channel created