Парламенты уагъд ӕрцыд экономикӕ, чысыл амалгӕнджыты ӕмӕ хъӕууон хӕдзарады комитеты рабадт. Боны фӕткы уыд иу фарста: ног закъон, кӕцы ӕххуыс кӕндзӕн чысыл ӕмӕ астӕуккаг амалиуӕгадӕн. Куыд зонӕм, афтӕмӕй зӕронд закъон 8 азы дӕргъы ӕвдыста ӕппӕрццаг результат. Нӕ паддзахад дзӕгъӕлы хардз кодта финансон фӕрӕзтӕ, цы ма нын ацы тыхст рӕстӕджы уыцы бар уыдис. Зӕронд закъонмӕ гӕсгӕ адӕймаг, кӕцы балхӕдта хӕдтулгӕ, чысыл фермӕ саразыны бӕсты ӕвӕллойгӕ фыстаид кредит гыццыл процентимӕ. Ӕмӕ, куыд ис гӕнӕн бамбарын, ацы фадатӕй бирӕтӕ пайда кодтой. Фӕлӕ дзы паддзахадӕн бынтон дӕр ницы пайда уыд. Ныр ног закъон, кӕцыйыл бакуыстой депутатты къорд, банчы ӕмӕ профилон министрады къухдариуӕгад, алыхуызон фӕлывд митӕн бынат нӕ ныууагъта:

1) Амалгӕнӕг сӕрӕй исдзӕн кредит коммерцион проценттыл ӕмӕ куы сбӕрӕг уа, ома, фӕрӕзтӕ бизнес-пъланмӕ гӕсгӕ ӕрцыдысты хардз, уӕд процент ӕрхаудзӕн субсидиты фӕрцы.

2) Чидӕриддӕр паддзахадон субсиди исдзӕн, уыдон цӕуыдзысты мыхуыр интернеты.