Бакастӕн интернеты пост, кӕцымӕ гӕсгӕ Республикӕ Хуссар Ирыстоны паспорт райсын нӕу йӕ бон ахӕм адӕймагӕн, кӕцы райгуырд Хуссар Ирыстоны зӕххыл, фӕлӕ йӕ чысылӕй фӕстӕмӕ цард Гуырдзыстоны. Ӕмӕ, ома, уыцы адӕймагӕн нӕ дӕттынц фадат райсын Хуссар Ирыстоны ӕмбӕстагад. Мӕн фӕнды ам фӕнысан кӕнын иу уагӕвӕрд Республикӕ Хуссар Ирыстоны сӕрмагонд Конституцион закъонӕй:

"Статья 35. Дата приобретения или прекращения гражданства Республики Южная Осетия



1. Гражданство Республики Южная Осетия приобретается:

а) в соответствии со статьей 12 настоящего Конституционного закона - со дня рождения ребенка"

Дарддӕр цыппӕрӕм уац Конституцион закъонӕй:

2. Проживание гражданина Республики Южная Осетия за пределами Республики Южная Осетия не прекращает его гражданства Республики Южная Осетия.
3. Гражданин Республики Южная Осетия не может быть лишен гражданства Республики Южная Осетия или права изменить его.

Ноджы фӕнысан кӕнӕм:

Статья 11. Основания приобретения гражданства Республики Южная Осетия



Гражданство Республики Южная Осетия приобретается:

а) по рождению;

Ноджы ма, куыд бамбӕрстон, афтӕмӕй уыцы лӕппу ахуыр кӕны Цӕгат Ирыстоны Паддзахадон Университеты ирон филологийы факультеты ӕмӕ йӕ бон у документтӕ равдисын, кӕцытӕ бӕлвырд кӕнынц Хуссар Ирыстоны кӕй райгуырд, уый. Ӕмӕ кӕд афтӕ у ӕмӕ не 'мбӕстагӕн йӕ бартӕ хӕлд цӕуынц, уӕд ныффыссӕд куырдиат мӕ номыл РХИ-ы Парламентмӕ, цӕмӕй йын йӕ закъонон бӕллиц сӕххӕст кӕнӕм ӕмӕ йын фӕзына фадат йӕ Фыдыбӕстӕмӕ ӕрыздӕхын.

Куырдиатимӕ иумӕ ӕрбарвитӕт йӕ документты къопитӕ, цӕмӕй депутаттӕн уа фадат рӕстдзинад сӕххӕст кӕнын.

P.S. кӕд сӕхӕдӕг нӕ ныууагътой Республикӕ Хуссар Ирыстоны ӕмбӕстагад сӕ куырдиатмӕ гӕсгӕ, уӕд дзы проблемӕ хъуамӕ ма фӕзына нӕ закъӕттӕм гӕсгӕ