Цытджын Цгъойты Тамерлан, Мысыкаты Батрадз, Пухаты Алик, Бестауты Сослан ӕмӕ ма ӕндӕр анонимон каналты автортӕ!

Куыд кӕсын, афтӕмӕй сымах дарддӕр уадзут информацион кампани адӕмы 'хсӕн, цӕмӕй сӕ сразы кӕнат ууыл, цӕмӕй Республикӕ Хуссар Ирыстоны паспорттӕ уӕрст цӕуой ахӕм адӕмы 'хсӕн, кӕцытӕ сӕхи хонынц "ирӕттӕ", цӕмӕй сын цензтӕ сисой ӕмӕ а.д. Уӕ хъуыдымӕ гӕсгӕ Хуссар Ирыстон афтӕ сраст кӕндзӕн демографи, экономикӕ. Уӕ хъуыдымӕ гӕсгӕ уӕлдай нӕу, зонынц ахӕм ирӕттӕ ирон ӕвзаг ӕви нӕ , уӕ хъуыдымӕ гӕсгӕ ӕрмӕстдӕр афтӕ ӕрцӕудзысты хуым Ирыстоны зӕххытӕ... Цыбыр ныхасӕй, уӕ хъуыдымӕ гӕсгӕ паспорттӕ куы байуарӕм, уӕд Хуссар Ирыстоны алцыдӕр хуыздӕры 'рдӕм фӕивдзӕн... Хорз, бамбӕрстон уӕ. Мӕ ныхӕстӕ мын уӕ каналтыл сзыгъуыммӕ кодтат, ӕмӕ дарддӕр дӕр архайут ацы фӕлывд хъуыддагыл. Уӕ каналтыл нӕй гӕнӕн ӕргомӕй дискусси уадзын ӕмӕ рӕстмӕ реакцитӕ уадзын, раст уый тыххӕй уӕм сидын рӕстдзинады сӕраппонд:

Кӕд уӕ фӕнды ӕргомӕй ацы темӕйыл аныхас кӕнын ӕмӕ уӕ кӕд рӕстдзинад цымыдис кӕны, кӕд Ирыстоны ӕцӕг патриоттӕ стут, уӕд ӕри фембӕлӕм камерӕты раз комкоммӕ эфиры ӕмӕ ауадзӕм дискусси. Ӕнӕ дӕлӕ-уӕлӕтӕй, ӕнӕ загъта-бахтатӕй. Ӕри фембӕлӕм, сымах, куыд иу хъуыдыйыл хӕст адӕм, иуырдыгӕй, ӕз та иннӕрдыгӕй.

Ӕвӕццӕгӕн сразы уыдзыстут, кӕд Ирыстоныл уӕ зӕрдӕ риссы... ӕви нӕ?