Хуссар Ирыстоны сомбон йӕ цӕрджытӕ кӕй хъуамӕ ма скъуыддзаг кӕной, ууыл архайдтой Гуырдзыстоны националисттӕ: ахӕм хъуыдытимӕ ӕрбабырстой нӕ зӕххмӕ Джугели, Гамсахурдиа ӕмӕ бирӕ-бирӕ ӕндӕр куыдзы фырттӕ. Фӕлӕ кӕуинаг уый у ӕмӕ абон ахӕм хъуыдытӕ парахат кӕнынц цыдӕр блогертӕ, кӕцытӕн хъыг у Хуссар Ирыстоны цӕрджытӕ сӕхӕдӕг кӕй скъуыддзаг кӕнынц, чи уыдзӕн нӕ сӕрдар, чи уыдзысты нӕ минӕвӕрттӕ ӕмӕ цы хуызы уыдзӕн Хуссар Ирыстоны фидӕн.

Ацы блогерты нарративтӕ дӕр Гамсахурдиайы нарративты хуызӕн. Гамсик Хуссар Иры цӕрджыты фӕхуыдта алыхуызон ӕппӕрццаг миниуджытӕй ӕмӕ, куыд уынӕм, "нӕхи ирон" блогертӕ дӕр Цхинвалы цӕрджыты хонынц къуыдыртӕ ӕмӕ фӕстӕзад, ома, къуырматӕ стӕм ӕмӕ ныл ӕлдариуӕг хъуамӕ кӕна ӕддагон размӕдзыд паддзах. Ноджы ма нын дардӕй амонынц куыд кӕнӕм ӕмӕ цы кӕнӕм... Ахӕм амонджытӕн сӕ фылдӕр хай иронау дзурынц мӕгуырау, цы ма хатиаг ӕвзагыл дзурынц, раст афтӕ.🤦‍♂️

Мӕ нын ахӕмтӕ хъуамӕ амоной Ирыстоны сомбон куыд хъуамӕ аразӕм, уый. Худинаг ӕмӕ кӕуинаг. Кӕд ирӕттӕ стут ӕмӕ кӕд афтӕ тынг тыхсут Хуссар Ирыстоныл, уӕд ӕрцӕут ӕмӕ райдайут цӕрын ам, не 'хсӕн, ирон ӕвзаг дӕр уын бацамондзыстӕм ӕмӕ, чи зоны, уӕ ӕцӕгӕлон зӕрдӕты ссудза ӕцӕг уарзондзинад Фыдыбӕстӕмӕ, йӕ хорзӕхтӕ хӕрыны хъуыддагмӕ нӕйы, президенты ӕви депутаты бандӕттӕм уарзондзинад нӕйы, фӕлӕ ӕцӕг сыгъдӕг зӕрдӕйы уарзт райгуырӕн бӕстӕмӕ.

P.S. уойы, алы ирон ирон паспорты аккаг нӕу, Гуырдзыстоны ӕфсадимӕ чи ӕрбацыд, уыцы альтернативон паддзахады минӕвӕрттӕ дӕр ирӕттӕ уыдысты мыггагӕй, фӕлӕ удыхъӕдмӕ гӕсгӕ та Гуырдзыстоны бынбабырджытӕ ӕмӕ ахӕм "ирӕтты" Фыдыбӕстӕйы хъахъхъӕнджытимӕ иу рагъыл ӕвӕрын у ирон нацийы раз фыдракӕнд.