‼️ Сотням беларусаў можа пагражаць дэпартацыя з Украіны

Засталося менш за месяц, каб абнавіць пратэрмінаваныя украінскія віды на жыхарства. Ад 4 жніўня тыя, хто гэтага не зробяць, стануць нелегаламі. Гэта пагражае штрафамі і дэпартацыяй з Украіны.

Пастка ў тым, што абнавіць від на жыхарства немагчыма без дзейнага пашпарта. А беларусы ва Украіне не могуць атрымаць новыя беларускія пашпарты — выезд на радзіму можа азначаць палітычны пераслед.

Раней гэта не было праблемай, бо дзеяла пастанова пра сапраўднасць усіх ВНЖ да канца вайны +30 дзён, гэта значыць, беларусы нават з пратэрмінаванымі дакументамі, знаходзіліся ў краіне легальна. У лютым Кабмін Украіны забавязаў іншаземцаў абнавіць дакументы.

Паводле нашых ацэнак, праблема тычыцца сотняў беларусаў і беларусак ужо сёння. Таксама стала вядома пра выпадкі змяшчэння беларусаў-«нелегалаў» у пункты часовага ўтрымання іншаземцаў.

Рэкамендуем усім беларусам ва Украіне з дзейнымі пашпартамі неадкладна звярнуцца ў службу міграцыі, каб працягнуць ВНЖ.

@BYSOL