🔔 Андрэй Стрыжак пакідае BYSOL. Наперадзе — перафарматаванне Дырэктарату

У панядзелак Андрэй Стрыжак паведаміў камандзе BYSOL, што пакідае арганізацыю, нягледзячы на ранейшае рашэнне Дырэктарату пра 6-месячны тэрмін супрацы ў якасці кансультанта.
У аўторак ён падпіша дакументы аб перадачы заснавальніцтва.

⚡ Таксама арганізацыю чакаюць структурныя змены.
Большая частка складу цяперашняга Дырэктарату раней абвясціла, што неўзабаве пакіне Фонд. У камандзе ўжо створана Працоўная група, якая ініцыюе змены ў Статут і выпрацуе новы алгарытм абрання органу кіравання.

💛 Чальцы арганізацыі, якія раней агучвалі свой намер пакінуць арганізацыю, атрымалі просьбу знайсці магчымасць перагледзець рашэнне ў сувязі з новымі абставінамі.

Мы робім усё магчымае, каб гэтыя перамены не ўплывалі на дапамогу пацярпелым ад рэпрэсій і каб BYSOL заставаўся моцнай і эфектыўнай арганізацыяй.

Спадзяёмся на вашу падтрымку і салідарнасць!

Каманда BYSOL