زيارة مفاجئة وي العائلة مع ذلك بقيت افكر و أشتاق لذاك اليوم الي طلعت بيه من آخر امتحان مد بحياتي الجامعية ( advanced ) و رحت بيه وي صديقاتي زيارة لكربلاء و بأجواء روحانية زرنا و مشينا و اشترينا و شربنا گهوة و ضحكنا على أسخف المواقف، اشتاقيت من بقيت لازمة أيد صديقتي حتى ما اضيع بالزحام و من بقيت گاعدة بالركن استمع للأصوات و أنتظر صديقتي تخلص دعاء و بنهاية العصرية من مطرت خفيف و تمشينا بالشارع راجعين كلنا للكراج و صديقاتي كلهن گدامي كل وحدة وي الثانية نمشي بسرعة قبل لا تنغلق أبواب الأقسام، أشتاقيت لشعور المطر الي يلامس وجهي و اني فاتحة شباك السيارة بطريق الرجعة و أهوجس بالأيام الي راحت و الي راح تجي و الي تحمل آخر أيامي بهذا التخصص و بهاي المحافظة الغريبة الي عشت بيها خمس سنوات