Дьиҥинэ, Ил Дархан Айсен Николаев ону өйдөөн, бастакы Уурааҕа үөрэҕэриини сайыннарыыга туһуламмыта. Кини онно учууталын, Илин Уһук уонна Сибиир соҕотох ССРС норуотунай учуутала Михаил Андреевич Алексеевы былаах оҥостубута. Кылгас кэм иһигэр үөрэҕи сайыннарарга условия бөҕө оҥоһулунна, ону мэлдьэһэр сатаммат, биһириэххэ эрэ наада. Онтон ис тутулун оҥорууга бытаары таҕыста.

Фундаментальнай үөрэх оскуолаҕа сыһыаннаах, учуутал идэлээх, бэйэтэ үөрэнэр кэмигэр бэлэһигэр методист учуонайдар силлээбит эрэ дьоно үөрэҕи салайдахтарына туох эмэ тахсыаҕа. "Завхозтар" салайар кэмнэригэр тас өттө кылабачыгас, ис тутула илдьиркэй буолан баран олоруохпут.