Оскуоланы таас дьиэ, үчүгэй хааччыллыы киэргэппэт, оскуоланы - учуутал киэргэтэр, онтон, оскуола киэн туттуута - кини үөрэнээччилэрэ✅

Оскуоланы талар буоллаххытына бастаан педсоставын көрүҥ, хас үрдүк, бастакы категориялаах учуутал баарын ыйытар буолуҥ. Ити барыта хас биирдии үөрэх тэрилтэтин сайтыгар ыйыллар.

Дириҥэтэн үөрэтэр предметтаргыт учууталларын таһымын оскуола сайтыгар киирэн билсиэххитин сөп.

Уонна болҕомтоҕутун оскуола директорын биографиятыгар ууруҥ - хайдахтаах да оскуола ис тутулун опыттаах педагог эрэ салайааччы оҥорор, кини оскуола ис методическэй эйгэтигэр күүскэ дьайар.

Практика көрдөрүнэн, учууталлаабатах, оскуолаҕа үлэлээбэтэх директор - тас эйгэни үксүн оҥорор, дьиэтэ-уота ыраас, тупсаҕай буолуутугар ордук охтор, онтон ис тутула кини солбуйааччыларыгар (завучтарга) сүгүллэр. Күүстээх саабыстаах директор - кини дьоло, үлэтигэр табыллыыта буолар.