UNIX nega bunday atalishiga hech qiziqib ko'rganmisiz?

1964-yilda MIT, Bell Labs va General Electric birgalashib MULTICS (Multiplexed Information and Computing Service) tizimini ishlab chiqishadi. MULTICS hozirgi operatsion tizimlarning eng katta bobolaridan.

1969-yili Bell Labs loyihadan chiqib ketishi natijadasida Bell Labs mutaxassislaridan biri Ken Thompsonning MULTICSga bog'liq ilmiy izlanishlari to'xtab qoladi. Shunda Ken o'zi uchun MULTICSning kichkinagina versiyasini yozib chiqishga qaror qiladi. Bir kuni Kenning bir hamkasbi hazillashib "Bu dasturing xuddi MULTICSga o'xshar ekan, faqat bir vaqtda ko'p ishni (MULTiplexed) emas, bitta ishni (UNiplexed) qila oladi. Bundan chiqdi dasturingning nomi UNICS ekan" deydi.

Shu-shu tizim nomi UNICS bo'lib qoladi. Talaffuzi sabab keyinchalik "CS" "X" ga o'zgarib UNIX bo'ladi.