Bu fikrlar faqat bir tomonlama.
Javaning qanchalik stabil va kuchli til ekanidan xabarim bor(ko'p bo'lmasa ham). Lekin bu degani boshqa tillar "axlat" degani emas.

Pythonda faqat rasm-videolarni yuklash mumkin? Yo'q, siz(muallif) pythonda faqat shuni qilishni bilasiz. Bizning firmada Banklar, Zavodlarning boshqaruv tizimlari kabilar Pythonda qilinadi va hozircha hammasi yaxshi ishlab turibdi.

Python platforma tanlaydi? Sizga kim aytdi projectni tog'ridan to'g'ri serverda yuriting deb? Container, virtual machine degan narsalar bor.

Shu o'rinda "ortiqcha vaqt, harajat" haqida. Siz serverga qo'yish uchun ba'zi qo'shimcha sozlashlarga ketadigan vaqt va harajatlarni aytdingiz. Normal jamoa javada 6 oyda tayyor qiladigan loyihani xuddi shu darajadagi jamoa Pythonda 2 oyda qilishi mumkin. Bu ham o'sha "ortiqcha ish, ortiqcha pul, ortiqcha vaqt"ga kiradimi?

Pythonda faqat Instagram kabi kichkina vebsaytlar yoziladi, Javada IBM SPSS kabi katta tizimlar yoziladi debsiz. Shu joyida shunchaki texnologiya giganti bo'lgan googlening bir shiorini keltirib o'taman:  “Python where we can, C++ where we must.”
Yoki bu ham kichkina vebsaytmi?

P.S. Tepadagilarni yozishdan maqsad python javadan kuchli yoki java kuchsiz deyish emas. Shunchaki har bir tilning o'z vazifasi va imkoniyatlari bor ekanini eslatib qo'yish. Faqat bir tomonlama analiz qilmaslikka chaqirish.
Agar siz biror tilning imkoniyatlarini bilmasangiz o'sha til kuchsiz degani emas.