"Falonchi 19 yoshida mashina oldi. Pistonchi 21 yoshida uy oldi... Sen esa hali ham..."

Erta muvaffaqiyat sindromi

Xalqimiz orasida yoshligidan moliyaviy nimadirlarga erishib yurgan bollarni ortiqcha maqtab, hali biror narsaga erishmaganlarni qoralash xarakteri bor.

Lekin bilishmaydiki aynan ana shu insonlar ertaga hayoti davomida ko'proq qiyinchilik ko'rishi mumkinligini. Erta muvaffaqiyat ko'rgan insonlar ko'pisi mehnatga dangasa bo'lib boradi. Kichik marralardan zavq olmay qo'yadi va qarabsizki harakatdan to'xtaydi.

Eng yomoni esa, atrofdagilar undan endi yanada ko'proq natija kutishadi. Aslida esa uni yoshidagilar hali bu narsalarni o'ylashi kerak emas edi. Stress olamiga erta kirgan yana bir insonni qarshi oling 🙂

Bekorga "Yaxshi ot keyin chopadi", deyilmas ekan a?

Qissadan xissani aytaman: barcha narsani o'z vaqti bor. 20 yoshda oilangizni kambag'allikdan olib chiqishga majbur emassiz. Hech kim sizga erta yoshda uy yoki mashina olishingiz shart degan g'oyani singdirmasin. Aks holda ortga qaytolmaysiz. Yoshmisiz? O'qing, ilm va tajriba oling. Barcha narsani o'z vaqti bor.

Qaysi natija necha yoshda erishilsa norma ekanini bilmoqchi bo'lsangiz izohda yozib qoldiring, shularga javoban post yozaman, Xudo xohlasa.

#fikr

@UmarSadullayev