Կուբարսին հավակնո՞ւմ է Golden Boy մրցանակին։ Ես այն նրան կտայի։ Նա արժանի է այդ մրցանակին՝ հատկապես հաշվի առնելով խաղադաշտում նրա դրսևորած տակտիկական, տեխնիկական և անձնային որակները, առավել ևս՝ այդ տարիքում։ Շատ լավ ֆուտբոլիստներ կան, բայց հաշվի առնելով, որ նա «Բարսելոնայի» և Իսպանիայի հավաքականի հիմնական կազմի խաղացող է, իմ կարծիքով՝ ակնհայտ ֆավորիտն է։
Ռաֆինյա՞ն։ Այս պահին նա անկասելի է թվում։ Նա անհավանական մարզավիճակում է։ Կարող ես մի դրվագում կանգնեցնել նրան, բայց հաջորդ իսկ դրվագում նա հեշտությամբ կշրջանցի քեզ, կներխուժի տուգանային հրապարակ և արագ հարված կկատարի։ Այս պահին նա ամենաանկանխատեսելի ֆուտբոլիստներից մեկն է։
Ինչո՞վ է առանձնանում «Լա Մասիան»։ Առաջին հերթին՝ ակումբին պատկանելու զգացումով։ Դա ֆուտբոլային փիլիսոփայությունն ու ակումբի հանդեպ սերն է, որոնք ձևավորվում են դեռ փոքր տարիքից։ Երկրորդը՝ այն մեթոդն է, որով իրականացվում է ուսուցումը։ Դու շատ կարևոր գիտելիքներ ես ձեռք բերում՝ կենտրոնանալով տեխնիկայի, տակտիկայի և խաղի ընկալման վրա։
🌟 𝐵𝑙𝑎𝑢𝑔𝑟𝑎𝑛𝑎𝑠