"Qaysi fikrning darajasi yuqori?" degan savol subyektivlikka moyil. Agar savolning mezonlari aniq berilmasa, testning validliligi shubha ostida qoladi.

"Darajasi yuqori" jumlasi o‘quvchida turli chalkashliklarni keltirib chiqarishi mumkin:

Fikrning umumiylik (abstraktlik) darajasimi?
Fikrning muhimlik (prioritet) darajasimi?
Fikrning isbotlanganlik (argumentlanganlik) darajasimi?
Yoki muallifning bu fikrga qanchalik ishonishi darajasimi?

Savolda aynan nimaga koʻra darajasi soʻralayotgani aniq aytilishi lozim. Agar oʻquvchi (test yechuvchi) savolni turlicha tushunsa, demak, test oʻzining asosiy funksiyasini – bilimni aniq oʻlchash vazifasini bajara olmaydi.

Xalqaro baholash tizimlarida "daraja" tushunchasi o‘rniga aniqroq terminlar qo‘llaniladi:

Qaysi fikr matndagi asosiy g‘oyani (main idea) ifodalaydi?
Qaysi fikr eng keng qamrovli (most comprehensive) hisoblanadi?
Muallifning pozitsiyasi qaysi javobda eng kuchli aks etgan?

@birgap