Brayan Treysining "Samaradorlikning 21 yoʻli" nomli kitobini oʻqidim. Kitob qanday qilib kuningizni samarali oʻtkazish haqidagi 21 qoida haqida ekan.

Kitobga 10 dan 1 qoʻydim. Boshidan oxirigacha suv gaplardan iborat. Masalan, 18-yoʻl: katta vazifalarni boʻlaklarga boʻlib bajaring. Bir necha bet katta vazifalarni qilish odamni charchatishi, katta vazifalar odamni qoʻrqitishi haqida yozilgan.

Janob Brayan, men katta vazifalarni boʻlish kerakligini bilaman (hamma ham bilsa kerak), mendagi muammo shuni qanday qilishni bilmasligimda. Katta vazifalarni qanday usullar bilan boʻlaklarga ajratish mumkin, qanday boʻlsa toʻgʻri boʻladi? Shular haqida yozmaysizmi?

Butun kitob mana shunaqa yozilgan.

Xuddi bizning pedagogika kitoblarimizga oʻxshaydi. Siz pedagog sifatida sinfda sogʻlom psixologik muhit yaratishingiz kerak deydi. Lekin 300 betdan ortiq kitibning biror yerida sogʻlom psixologik muhit qanday yaratilishi haqida yarimta ham gap yoʻq.

@birgap