10 верасня на нарадзе ў Брэсце вярхоўнага камандавання 2-й і 4-й армій маршал Польшчы Юзэф Пілсудскі выклаў план новай бітвы з войскамі Заходняга фронту Чырвонай арміі.
Пасля пераможнага бою пад 🐘Слонімам 14-я вялікапольская пяхотная дывізія рушыла фарсіраваным маршам на Баранавічы. Яе ўзначаліў 56-ы пяхотны полк. На досвітку 30 верасня ён дасягнуў Курэвічаў (сёння Навагрудскі раён Гродзенскй вобласці), а пасля звярнуў з дарогі на Мінск і павярнуў на Баранавічы.
Бальшавіцкі гарнізон у горадзе, здзіўлены хуткім з'яўленнем палякаў, асаблівага супраціўлення не аказаў. Часткі 14-й вялікапольскай пяхотнай дывізіі занялі «старыя нямецкія акопы» на ўсход ад горада.
У прэс-рэлізе Генеральнага штаба Войска Польскага ад 30 верасня 1920 года паведамлялася:
Вялікапольская групоўка, наступаючы ад Слоніма, 30 гэтага месяца дзёрзкім ударам захапіла Баранавічы.
На фота жаўнеры 1-й брыгады Польскіх легіёнаў на пляцы ў Баранавічах. Выява расфарбавана з дапамогай ШІ.